[المحارب العتيق]

الموضوع محطوط ليتناقش فكريا .. وبما أنو فكريا فهو يحتمل التأويل لكل شخص حسب وجهة نظره
يعني هلأ من البداية خليني قول أنو حسب وجهة نظري الأمور التلاتة ماعادو تابو , وكل صغير وكبير . ومثقف وجاهل .. وغني وفقير بيحكوا بلأمور التلاتة .. طبعا كل واحد فيهم حسب مابيعنيلو الموضوع . وحسب فكرتو ووجهة نظرو
يعني خلينا نبلش من الجنس : الجنس مطروح أنو الحاجز فيه ديني . ولحنا لما وقفنا عند الجنس من منطلق ديني . صار غير مفتوح وبلشت مشاكلنا مع الجنس . فهون منلاحظ أنو بيتعلق بالدين . فبينضوي تحت الدين
والدين : كمان أذا بدي ناقشك على أني متبني الدين كفكر عدا عن أني متبنيه كعقيدة . منلاقي انو لكل واحد حرية فكرو . وهاد مابيعطي بالنتيجة أنو أحد الفكريين خطأ . يعني متل لما احدهم بيتبنى الفكر الرأسمالي وأحدهم بيتبنى الفكر الأشتراكي . و مافينا نحكم الا على التجربة .وكل واحد شو عمل . وحتى هون مافيني ناقشك عن الدين أذا كنت مو مأمن بالدين أصلا . فماحيكون شي مشترك نتناقش فيه الا تجربة كل فكر . وشو قدمت
أما بالنسبة للسياسة : كمان مابعتقد أنو في أي شخص مابيحكي سياسة ببلدنا . طبعا حتى لو كانت نظرتو للأمور سطحية . أما أنو ربطها بالفقر فأنا بلاقية أكبر غلط . ويمكن ألها روابط بأساس الفكر الشيوعي أنو جوع شعبك بيلحقك . وهاد أكبر غلط . وحأعطيك أمثلة أنو مثلا شعب متل شعب الأمارات ودبي تحديدا . مرة سألوني شو هاد بيعة يلي عم يصير بسوريا . شرحتلون شو هية الأنتخابات . قام رد عليي أنو الله يرحم الشيخ زايد ومابدنا شي من السياسة . طبعا لانو الشيخ زايد مشبعون . بعكس الشعب السوري يلي مثلا بيستنى كل خطاب لسيادة الرئيس . ليسمع منو أذا في زيادة معاشات ولا لأ . والسلام حيتحرك مع اسرائيل لنبني أقتصاد أقوى ولا لأ
وأنا برأيي أنو تحريم الكلام بالسياسة كمان بينطبق على الشيوعية بالتجارب العالمية . يعني بكوريا وكوبا وقبلون الأتحاد السوفيتي ممنوع حدا يحكي سياسة أو مجرد يفكر أو يعاكسهم برأيو . ومعروف أنو الماركسيين والشيوعيين أبو التعذيب السياسي بالعالم. فبيكونوا أول من حرم الحديث بالسياسة بالدول الحديثة. بعكس أميركا الرأسمالية الليبرالية يلي كتير من شعبها مابيعرف أسماء دول ومكان تواجدها على الخريطة لأنو مرتاح وبيحكي يلي بدو ياه . ومابيعنيه شو عمبيصير بالعالم