---------------
ارجعي لي
ايوه سبتك غصب عني
القدر كان أقوى مني
بس وحياتك ماخنتش
غلطتي إني ماقلتش
عن سبب بعدي ورحيلي
لما كنت بتندهيلي ..ارجعي لي
انت أول حب عشته
أنت آخر حب عشته
أحلى حلم في يوم حلمته
صدقيني وارجعي لي
ارجعي لي ارجعي لي آه....... آه
نفس أقلك لسه دايب في اشتياقي
ولي بسكتني خوفي وكبريائي
زي ماضيعت من عمري كتير
كنت أقدم لك أنا حبي الكبير
كنت بنفسي أوهبك عمري اللي باقي
انت أول حب عشته
أنت آخر حب عشته
صدقيني وارجعي لي
ارجعي لي ارجعي لي آه .... آه
غيرك أنت ياحبيبتي وده اختباري
يعني بعدك عني ح يكون انهياري
اغفري لي قسوة الجرح اللي فات
افتحي لي باب للأمنيات
انسي ليل البعد منحته لك نهاري
أحلى حلم في يوم حلمته
صدقيني وارجعي لي
ارجعي لي ارجعي لي آه ....... آه
------------------------------
الحلم الجميل
الحلم الجميل .... البيت الصغير
كله ضاع ... كله راح
كله تكسر .... كله تغير
وفضيت علينا الدار
والوحدة زي النار
راحوا يللي كانوا يمسحوا بأيديهم دموعنا
راحوا يللي كنا نرمي في أحضانهم وجعنا
حلم السنين ..... داب
وبقلبي ميت آه...
من يومها طعم الحياة زي المرار
كانوا زمان حبنا حاسين بنار جرحنا
بيصبّروا قلبنا .... على الحياة
لو تهنا أوضعنا عيون بترجعنا
وقلوب بتسمعنا لو قلنا آه ... آه
وخليت علينا الدار والوحدة زي النار
راحوا يللي كانوا يمسحوا بايديهم دموعنا
راحوا اللي كنا نرمي في احضانهم وجعنا
الحلم السنين ..... داب
ولا ألف صرخة ألم ولا ألف دمعة ندم
وقت الفراق اتحسم وبايدينا ايه ... ايه
ده نصيبنا وقدرنا أحزانا تكسرنا
يارب صبرنا .. على يللي احنا فيه
---------------------
اصاحب مين؟
اصاحب مين؟انا صاحب مين؟وانا من يوم ما شفت عينيك ماليش غيرهم صحاب تنيين وانا كلم مين وانا من يوم ما كلمتك لقتني بغني للعاشقين
عيونك هم اصحابي وعمري وكل احبابي وصوتك لما تتكلم يدوب قلبي في بحر حنين اصاحب مين وكلم مين؟
يا احلى عيون بدوب فيها وعيش فيها ودايما يا حبيبي بقول احب عنيك تسهرني انا حب عنيك تحيرني دافيهم سحر مش معقول...اصاحب مين وغير حبك ماليش اصحاب وكلم مين وغير حبك ماليش احباب ؟
يا كل العمر ياعمري يدوب عمري ولا يغلى يا روحي عليك احبك لو قريب مني واحبك لو بعيد عني وحب اسهر ليالي هواك وحب انده لبكرة معاك وتوحشني وانا وياك
اصاحب مين وغير حبك ماليش اصحاب ..وكلم مين وغير قلبك ماليش احباب ..
عيونك هم اصحابي وعمري وكل احبابي وصوتك لما تتكلم بدوب قلبي في بحر حنين اصاحب مين وكلم مين؟
-----------
لو عارف
لو عارف ان الدنيا بحالها .. ايوة بكل ما فيها
مش هتعوض ثانية م اللي قابلتك فيها
كنت رميت الدنيا و جيت لك .. غنيت لك
الغنوة اللي انتي بتحبيها
لو عارف ..
لو عارف اني هاتوه و احتار و هادور تاني عليكي
اني هاعيش اتمنى تلقى عنيا عينيكي
كنت ما سبتش لحظة تعدي عليا غير و ايديا في حضن ايديكي
لو عارف اني هاعيش و خلاص مع غيرك باحلم بيكي
و ان الحب خلاص مش هالاقيه بعديكي
كنت ما سبتش لحظة تعدي عليا غير و ايديا في حضن ايديكي
لو عارف
------------
|