[was616im]

انو قبل كل شي يحرق حريشك منين بدي جبلك ترجمة هيك كلمات انا.........

كاتب النص الأصلي : *.• Roaa •.*

اي ...

ام الرور وصلت ...

مرحبا وسيم ... ممممم انوو من زمان ما شفتك عالايميل

مره كنت بدك تسال سؤال ومدري انا الي طلعت او انت المهم ما انسال ...ههههههه

هلا لتذكرت هالشي ..
ستي انتي دائما هيك فايتة بالحيط
على فكره مخي مدري ليش ماعم يروق انوو عم فكر بشي شاغلني ... بس

انوو بدي اسال كم سؤال عالماشي ...

واذا خلصت حاله الكمون والركود بالمخ برجع بسال مره تانيه ..


احم احم . اي

صح عرف للاخوه المشاهدين شو يعني كمون وركود ...؟ ولمين بتصير ...؟ وعطيني مثال لالها ...؟ (بدون بحبشه على غوغل هاا
)

اي ..


تانيا ..

شو هوو عمى الالوان ..؟
عمى الالوان يا ستي هو انك ما تحسني تميزي الاوان عن بعضها متل بقية الناس و فيكي تسميه الدالتونية نسبة للعالم دالتون اللي هو نفسو كان عندو هالمرض مشان هيك عمل ابحاث كتير عنو
هلق في عالم بتقول انو هو عدم القدرة على تمييز الالوان الاحمر والازرق الاخضر بس بس هدا كلام خطا لانو بتختلف حساسية العين لهالالوان حسب شدتها و هيك شغلات ف مشان هيك بيصير الانسان ما بيحسن يميز بين الالوان لانو كلها فايتة ببعضها و ناتجة من تركيبها مع بعضها البعض
السبب عالغالب وراثي و ببعض الحالات بيكون خلل بالشبكية او بالعصب البصري وهاد نادرا ما يصير
و مشان العلاج يا ستي للاسف ما في بس في دكاترة بتنصح بوضع عدسات معينة و بتساعد شوية على توضيح هالالوان
اذا ارتفع السكر عند الرجال شو الدوا الي بياخدو ..؟والضغط كمان شو الدوا شيتوو ..؟
السكري بس يرتفع بتوقع انو لازم الواحد ياخد انسولين مشان يعدل مستوى السكر بالدم بس مشان الضغط والله ما بعرف
شو هوو الشي الي ابو عصام دهنو على جسم ابو غالب لما صار جربان ..؟
اي شو قالولك عني انا المخرج تبع المسلسل لحتى اعرف شو دهنلو
اذا لون عيني اليسار خضرا والتانيه حمرا .. اشرحلي حالتي والدوا ...؟
هي حالة طبيعية و عادية جدا ومانها مرضية ما بتأذي العين ابدا والسبب هو الجينات اللي بتحدد لون العيون يعني ممكن يكون صاير طفرة وراثية اثناء تضاعف حمض ال DNA و هيك بيتغير لون احدى العينين بس ما بيأثر عالنظر وعلى فكرة في وحدة من عيلتنا بس قربة بعيدة يعني عندها نفس الحالة و ما بتشكي ابدا
اذا انحرقت ايدي بالمي السخنه شو حطلها ... ما تقلي معجون اسنان هااا ..؟

روحي عالصيدلية و جيبي مرهم للحروق اذا كان الحرق قوي و ضمديها اما اذا كان بسيط و خفيف اي كان لازم انك تبرديها بسرعة وقت اللي انحرقت بالمي الباردة
شو هوو الغاز الي بسموو الغاز المضحك ..؟ووين بيستعملوو ..؟
والله اللي بعرفو انو بيخلي الواحد تصيبو حالة غريبة و يبلش يضحك من كل قلب ورب و ما بيحسن يوقف او يمسك حالو بسهولة بس وين بيستعملوه ما بعرف بس على فكرة سمعت مرة انو الكمية الكبير منو ممكن تموت الانسان
رحت عالجامعه ... وقعدت على شي مقعد .. هلأ قمت واكتشفت انك كنت قاعد على دهان احمر .. او اي شي بيعلق باللبس ... والصبايا صارو يضحكو ...


هون انت شو بتعمل ...؟
اي بسيطة انا ساكن قريب كتييييير عالكلية يعني شغلة 5 دقايق مشي بالكتير برجع عالبيت و بغير تيابي وبرجع ولا كأنو شي صار(عالهامش:صايرة معك شي مرة)

مين هوو الولد الي شايلو بصورتك عالماسنجر ...؟ وليش كنت لابس اورنج
هاد ابن عمي اسمو ليث و بحبو كتير ووقتها كنا بالبيت قبل ما نروح عالصالة لانو وقتها كان عرس اختيو كنت لابس اورانج لاني كنت جايب هالقميص جديد مشان العرس

دخلت عاللاب بالجامعه .. وصرت تبحبش بين المركبات وهالاشيا

بما انك حشور كتير ... هلا شميت شي بعدين قريت انو هاد بنوم .... وكان عندك كويز بعد ربع ساعه ..شو بتعمل ...؟

ما فهمت شو قصدك بالسؤال بصراحة ممكن تشرحي اكتر
صح شكراا عالورده الي عطيتني ياها ...

وهي وردة تانية
اي شو كمان ....

شو نوع المعسل الي بتستعملوو اكتر شي للاركيله .. ؟؟
بيعجبني حاليا معسل ابو الهيثم بنكهة التفاحتين يحرق حريشو شو طيب
كم راس بتاركل عاده ...؟
ممكن راس واحد او 4 بنفس اليوم حسب المزاج بقى
شو اسم جامعتك ..؟
AKADEMIA MEDYCZNA W GDANSKU يعني اكاديمية الطب في غدانسك

وليش بولونيا بالذات ..؟
بصراحة خالي اللي اخترلي ياها مو انا
ليش مارحت على فرنسا .. لعند خالك ..؟
كنت بالاول بتمنى بس بعدين حمدت ربي الف مرة انو اجيت ع بولونيا و ليش مار حت ع فرنسا لانها غالية
كم جمعت بالبكالوريا ... انووو اوعى هااااا بجيب ملفك هالدقيقه ....؟
بالسنة الاولى 204 بدون ديانة و السنة التانية 212 بدون ديانة شيت ما درست

كم جمعت بالليبرااا ... وشو الماده الي كسرتك ..؟

شو هي الليبراااا؟؟؟؟اول مرة بسمع فيها
بتحب الماث ..؟
اي بحبها كتير بس لا تساليني بمعلومات ما بعد مستوى البكلوريا بسورية شيت بعدها ما عدت درست شي الو علاقة بالرياضيات

شو رايك بالفيزياء ... بتعرف قوانين كيرشوف ..؟
بحبها للفيزياء بس مو كتير و قوانين كيرشوف بعرفها بس مو كتير منيح
بظن هنن 3 اذا ما كنت غلطانه .. هلا هدول ضيعولي 3 درجات بالفيزيا ... بالبكالوريا ..
هنن قانونين مو تلاتة واحد الو علاقة بالكهربا و الدارات الكهربائية و حفظ الطاقة بالدارات المغلقة يعني انو على هوى ما بذكر انو مجموع القوى الكهربائية المؤثرة في دارة مغلقة و فرق الجهد مجموعهن لازم يساوي الصفر بيجوز مشان ما يصير في ضياع للطاقة او هيك شي ما بتذكر بالضبط اما القانون التاني هو الو علاقة بالحرارة و الاشعاعات الحرارية بس ما بعرف عنو شي

فاكتبلي ياهون هوون بدي ارجع اتذكرهم .. اذا كنت بتعرفهم .. ونبذه مختصره بعد اذنك عن عموو كيرشوف ...

فيثاغورس .. شو بيعنيلك .. وكم مسبه اكل منك هوو والمثلث والدائره شيتوو ..؟

فيثاغورث:مجموع مربعي الضلعين القائمتين في مثلث يساوي مربع الضلع الثالثة (الوتر) و بحب هالنظرية كتير لانو كتير بتساعد بالهندسة الفراغية
مممممممممممممممممم

انووو بدي حب وجع راس ... هففففففف اي شو كمان ..

اي خدي باندول
اي مين مات ..؟
بليلة القدر توفى جوز خالتي ابو هيثم(الله يرحمكن و يرحم امواتكن)
مين اتزوج ..؟
ما حدا بعرفوا
مين اتطلق ..؟
الله لا يخرب بيت حدا
ليش انت حومصي ..؟
هيك الله بدو...بعدين شبهن الحماصنة
عم تعيد الاربعاء ولا حومص بعيده مشان هيك بطلت هالعاده ...؟
ولووووووو مو العيد عندي الاربعاء بقضيه مع مادة الانسجة اللي عم تفرجيني الله بالوان الطيف السبعة
كم وحده بدك تتجوز ..؟
اذا اتزوجت بالاساس بدي اتزوج وحدة بس موناقصني مشاكل
لو قالتلك مرتك العصمه بايدها وانت رح تجن عليها شو بتعمل ..؟
بحط شروط جزائية تعجيزية بحيث انو بحياتها ما تفكر تطلقني او تزعلني

مخك ادي بيوزن...؟ اوعى تقلي بيوزن بلد ..ما بيوزن كتيييير المهم يكون بيكفي لحتى انجح بهالجامعة ولو حتى كان وزنو غرام واحد

شو يعني بحبك بالبولندي ..؟ اكتبها بالعربي وبالبولندي مشان نعرف نحكيها
KOCHAM CIE تلفظ كوخام تشي
شو يعني بالبولندي

بتكتب طريقه اللفظ بالعربي هاااا

بكرهك ..
نيي نافيدزي تشي وتكتب NIENAWIDZE CIE

خاين ..
ZDRAJCA يعني زدرايتسا
اناني ...
سامولوبني SAMOLUBNY
حبك برص ...
كيف بدي ترجمها هي؟؟؟
تضرب بهالكسم ...

انا ماله ..

غبي ..
غووبي GłUPI
سقيم ..
هي ما بعرف شو معناتها بالعربي لحتى قللك شو بالبولندي
ولي على تولك ...

غليظ ..

رؤى ..مو اسمي انو الاشيا الي بتشوفها بنومك ..
سين SEN
محشش
ناياراني NAJARANY
الي مابحب النسوان الله يبعتلو عله ...

تصبح على خير
ما بيقولو تصبح على خير اغلب الاحيان بيقولوا ليلة سعيدة او طابت ليلتك DOBRA NOC تلفظ دوبرا نوتس
صباح الخير
كمان بيقولوا طاب نهارك او يوم سعيد DZIEN DOBRYة تلفظ دجين دوبري
الله ياخدك

تقبرني

يبليك بحما ...

يبعتلك قتلك ..

ان شا الله بتعفسك سياره بدون نمره

الله يرحم ايام هالمسبات من جاره بيت جدي الله يرحمهاا ... ويغفرلنا شو كنا نعمل بلاوي ..

اي شو يعني الله يرحمها ..
ههههههههههههههههههههه

انوو بكفي هدول ... لسا ما روقت

بس هيك يشتغل مخي برجع واذا ما اشتغل انوو خلص ...

بحياتك شو رايك بالاسئله ...؟

ليكي الكلمات اللي ما ترجمتها بدك تسألي عنها مايا ام نجمة لانو هي ادرى بهيك مصطلحات انا اسأليني عن اشياء طبية ممكن ساعدك بس هيك لهجة عامية اي يحرق حريشك ما بتترجم ولا على لغة بالعالم
ابقي بس تروقي رجعي ترجميلي كل هالكلام للانكليزي لشوف يا شاطرة

تسلميلي انتي و اسئلتك شو معتة