[Government]

كاتب النص الأصلي : يمان Rooooonaldo

الله حيو .. حسونةة.. مسيك استلقي

اهلين يمونة الغالي ..


مطرحك بقطر ..... ليش ؟
والله هيك ياشريك اكل هوا .. انا قاعد بسويسرا بس عبتظارف

بتحب الظلمة ؟
اي كتير .. ومابقدر نام وارتاح الا بالظلمة والشديدة حتى

صورتك الرمزية .. كنت تغيرا كتير .. ايا احلى وحدة علقت ببالك لهلا .. وليش
احلى وحدة ولهلأ بحبا .. صورة لاعبنا الكبير وكابتن الاهلي العظيم والبيغ بوس تبعان
محمد عفــش .. وهي اكتر صورة بحبا ولهلأ


بدي اسالك ... شو اكتر شي ظلمك بهي الحياة ..
مممممممممم..
والله مابعرف .. مافي شي طالمني صراحة لحدا الان يمكن .. او انو اي شي ظلمني انو رجعت وفكيت هالظلم عني .. بس انو لحدا لان ماحسيت بالظلم والحمدلله


بتعتبر حالك من العالم اللي شايفة حالا؟
والله مابعرف صراحة هالشي انا مابقدروا بحالي اكيد اللي بتعاملو معي فيك تسألن .. بس انو انا قدر الامكان مابحب اشوف حالي ع خلق الله ابدا وبكره هالصفة كتير .. بعدين حتى ولو .. مين انا حتى شوف حالي ع مين ماكان يكون

اقرب عضو + عضوة الك من المنتدى
عضو .. يمان .. عضوة رؤى وام الشوش
بحياتك العامة .. حابب؟متجوز ؟ عزابي؟
ولاشي .. عزابي وفاضي
عرف الخيانة ...
شي سيئ كتير كتير .. بخرب العلاقات وبموتا للابد .. وشي صعب جدا والخيانة كانت سبب كتير مصائب وكوارث وحروب صارت بالعالم بالدني .. ولحدا الان .. وسبب كتير جرائم وسفك دم صار بهالدني كانت سببو الخيانة .. مشان هيك من اسوا الصفات اللي بالبشر للاسف
بالله ممكن تفهم جاد بس .. انو ليش المماس بكون عمودي على نصف القطر جوا الدائرة
انا مالي خبرة بهالمواضيع بالمرة ..
بعدين اصلا جاد بيفهم ليش؟

انت من وين من سوريا ..
من ام الماحشي والكبب .. حلب

رأيك بهالكام شغلة :

الحياة جاوبت عليها بالسؤال السابق تبع ليلى ..

الحب كمان جاوبت عليه بسؤال ليلى

العلم العلم شي رائع كتير .. وبصراحة صاير شغلة اساسية او عمو الحياة هالايام .. البشر للاسف هلأ صارت عبتنقاس ع علما او الشي اللي تعلمتو واخدت شهادات عليه بحياتا .. بس بضل العلم شي عظيم وكل الناس عبتسعى عليه لانو هو مفتاح الحياة او الباب الكبير للحياة يمكن ..

الاختراعات شي حلو كتير فاد البشرية كلا وبفيدا لحدا اليوم وعنجد انا في كم اختراع مابتصور حياتي من دون

الديمقراطية شي حلو كتير .. شي بخلي الانسان يابدع بحياتو الديمقراطية بتخلي الانسان مرتاح .. يعني بيقدر يعمل اللي بخاطرو ويعبر عن اللي بخاطرو .. اكيد الديمقراطية لزام يكون الا حدود والا حدود .. بس بضل الديمقراطية بتخلي الانسان عايش باريحية وبتخلي يأبدع .. الديمقراطية يمكن كتير من العرب مابحسو بطعمتا بس انو عنجد شي حلو كتير وياريت كل العرب يجربوا عنجد .. والديمقراطية انا برأيي هي ام الابداع ..وطبعا هادا كلو مزية وحدة من مزايا الديمقراطية الللي بدنا كتير لنعدا

كرة القدم عشقي الاول والاخير .. بموت ع شي اسمو طابة واسمو كرة قدم بتابع كتير وبلعب .. بس قلان لعبي بالفترة الاخير .. وطبعا الدوري السوري من اهم الالويات .. واكيد الحياة بلا طابة مالا طعمة

حمص حمص العدية ..خالد بن الوليد والكرامة .. بلد حلوة ومتحضرة .. وبصراحة من حكي بعض الناس قالولي انو حمص صايرة مطورة اكتر من عنا بحلب بكتير .. وصاير فيا شغلات مو طبيعية وشي راقي وفاخر من الاخر .. وانا بصراحة مازرتا بس ع الحكي اللي بحكولي عليها .. كنت ناوي رحلا هديك السنة بس ظروفي ماسمحتلي كتير والسنة الجاي ناوي زورا اكيد هي وجبلة والشام من الالويات .. واكيد حمص محافظا متل مابحكولي انو زلمة مافي منو وهو بفضلو عبتصير هالشغلات الروعة بحومص .. واكيد احلى الشي بحمص انا بحبا البطات الحمصيات اللي عندن .. بس بضل حمص حمص .. وحلب ام الكل .. وماعندي بعدا حتى لو كانت حمص نيويورك

المسبحة ماكتير صحبة معا عادي

رايح شي عالجامع الاموي ؟ لا ولا مرة

لو خيروك تزور بلد ما بالعالم وين بتروح ؟ ع باريس

لو معك مسمحلك انك تقابل انسان + انسانة .. ما بتتوقع كنت انك تقابلهم مين بتطلب مقابلة مين ؟
الانسان بحب قابل الرئيس لانو كزا مرة كان قريب من المكان اللي كنت فيه .. وكان انا اجي ع المحل هو يكون كان في من شوي ..
وانسانة مممممم مابعرف مافي حدا ببالي ..بس يمكن ام الشوش

شو بدك تقلهم ولا شي مهم .. مجرد شوفتن هيك شغلة حلوة ماضروي قلن شي شوفن وسلم عليهن

شغلتك بالحياة شو ؟ طالب وعبدور ع شغل

بتعتبر حالك انجزت شي بالحياة اما لا؟ لا ماكتير للاسف

احب اسماء ولاد وبنات عندك متل ماقلت سابقا .. ولد ميشيل او بكري كمان بحبو .. وبنت راما

شو رايك بالبيت التالي:
ان الحياة حبتك كل كنورزها فلا تبخلن على الحياة ببعض ما
ببعض ما شو

بتعتبر حالك مثقف ؟ لا مو كتير بحس حالي عادي

او من نظرة اخرى بتقرا كتير؟ لا لا ابدا .. كتب المدرسة مابقراهن .. بقرا الشغلات اللي بتخص الدوري السوري بس

الادب الروسي .. شو رايك فيو .؟ ايجابيات / سلبيات
ابدا ابدا مابعرفو ..

وين مسافر بالعالم ورايح بلدان ؟ والله ماكتير ياحج .. بس رايح ع السعودية كزا مرة .. وع دبي .. وقطر عايش فيا وبس

حافظ النشيد العربي السوري ؟ اي تقريبا مو كلو في كم كلمة بدخل بالحيط فين .. بس بشكل عام تقريبا اي

وقت بتسمعو ... بتحس بشي جواك متل قشعريرة .. او عادي كانك عم تسمع ايا شي طالع؟ يعني بتحس بقيمة النشيد تبعنا اما لا؟ اي وكتير كمان .. بحس بشعور حلو كتير لما بسمعو بالقشعريرة متل ماقت وبوقف سعر بدنمي وخاصة لما بسمعو بشي مباراة او شي تنحدي وهيك .. وبحس بالشرف والعظمة قدامو ..

لو خيروك انك تعمل 10 شغلات بالعالم شو حيكونو
مممممممم..
1-او الشي بشيل رئيس اميركا لانو ماكتير طايقة هالكم يوم
2-بفضي قطر كلياتا من كل المخلوقات .. وبصير فيا لحالي وبس .. وبعمل فيا شو مابدي سيارات وباكل وبشرب وباخد كلشي لازمني بعدين برجعن ..
3-بخلي سوريا ملكة الدني .. واحسن بلد بالعالم .. او يمكن حول الاميركان ع سوريا ونسميا اميركا لسوريا الحالية
والسوريين نحولن ع اميركا ونسميا سوريا ونعيش هني ك ع طول .. وبخلي حلب العاصمة طبعا
4- بعمل حملة ع افريقيا كلياتا وخاصة الجنوب .. وبروح بلف ع كل الناس وكل واحد جوعان بطعمي .. وكل واحد ماعندو لبس بشتريلو احلى ليس .. وبطعمي كل الجوعانين اطيب اكل ولولد ولدن .. وبشتريلن احلى بيوت وبحاول اني امنلن احسن سكن ..
5 - مابخلي حدا فقير بحاول اني ساوي كل الناس نفس المستوى وماخلي حدا جوعان او عطشان او ماعندو ماوى
6- بامر انو يجمعولي كل واحد متسلط وكل واحد طاغية وكل واحد دكتاتو وكل واحد ازا ناس او قتل ناس بلا حق .. وكل واحد ازا اي حدا بلا سبب وكل واحد الناس كرهانتو لانو ازاها .. هيك للم كل المتسلطين والمستبدين والحقيرين وكلشي متقاوي ع خلق الله .. وبنفين ع جزية لحالن .. وخلي ياكلو بعض .. او بشختن
7- بخلي الدوري السوري دوري عظيم واحسن من الدروي الاسباني وبخلي منتخبنا ملك الارض كلا
واي واحد بخسرو ينعن اللي نفضو
8 بحاول خلي كلشي بالحياة عادل وماحدا ياكل حق حدا وماحدا يازي حدا ويغيشو كل الناس بسلام ورواق وخلين يحبو بعضن ..
9 كمان بعمل الاتحاد زعيم اندية العالم واللي بخسروا بقوصو ,,
10 بالاخير .. بدي الحياة تكون عادية وعادية جدا



فريقك المفضل .. محليا النواعير ..شو رأيك انت اهلاوي اصيل وشو ماصار بالدنيي يصير والروح والدم بتنبض اهلي

اوربيا برشلونة ياروح

امريكيا ماكتير بتابع دورياتن

منتخبك العالمي .. فرنسا ياروح

العربي سوريا اكيد وبحب العراق كتير

الاوربي فرنسا

لاعبك المحلي المفضل الكبير والعظيم ..والزعيم محمد عفش بس حاليا ترك .. وبالوقت الحالي .. بحب محمود امنة كتير وعبادة السيد ميسي الاتحاد

العربي بحب يونس محمود العراقي وهوار محمد كتير

الاوربي زيدان سابقا .. ورنالدينهو بحبو

الامريكي مابعرفن

بتتابع مباريات ؟ اي اكيد

شو احلى مباراة حضرانها لهلا؟ مباراة الاتحاد والكرامة من شي شهر .. اكتر مباراة حبيتا من فترة .. وبكفي كسرنا راس الكرماوية ورجعت الهيبة للاهلي

حضرت شي مباراة لايف عارض الملعب؟شو هية وشو الحلو فيا؟ اي كتيررررر كتيرررر .. بسوريا لما كنت صغير عمي كان ياخدني ع الملعب لما يلعب الاتحاد .. بس مو كتير .. وهون بقطر مافي مباراة لسوريا للمنتخب او لنادي الكرامة او اي شي بخص سوريا او اي الاندية السورية باي فئة عمرية الا مالي حضرانة ومالي مفوت شي وبالملعب كمان .. وطبعا من ارض الملعب المباراة غير تماما وخاصة مع الجماهير وروعتا

احلى شي بالشام وين بتشوفو ؟ الجامع الاموي

احلى شي بحلب كمان وين ؟ الموكامبو وبيتي العظيم

مطعمك المفضل؟ ممم كنتاكي ومطاعم البوفيه

اكلتك المفضلة اليلنجي .. والاكل الحاضر عموما ..

اتعرفت عحدن من الاخوية شخصيا؟ مين ؟ مممم اي شفت اب سليمان واش .. وفلاش باك ومرسيل وعابد ومين كمان والحاج متولي .. اي بس تقريبا

بتقدر تبعد عن اخوية ؟ بصراحة لا بصراحة

قسمك المفضل بالاخوية .. ما بعد المنبر في حال كان المنبر الرياضة والسقيفة والصالون

سمعان شي بغنية Life is Life ينعن رفك يازلمة صرت نام واهدس فيا وغنيا اوتوماتيك ع كتر ماسمعتني ياها هداك اليوم


كيف وصلت عاخوية ... رفيقي

عندك حدن بتعتبر بمثابة الصديق الحقيقي لالك؟ اي كتار وكتار كتير

عندك صديق عمر يعني .. انت وياه من زمان سوا اي مو واحد شي 5 تقريبا

شو معناة داعور ؟ ينعن ديبك هادا عازف اورج مو شغلة بتتسمى .. يعني احسن عازف اورج بسوريا وفنان بمعنى الكلمة وانا من عشاق عزفو والحانو

عندك سيارة ؟ شو نوعا ؟ لا ماعندي

ساكن مع اهلك او لحالك ؟ مع اهلي طبعا

نوع عطرك المفضل اون مان شو

نوع ساعاتك المفضل.. ولا ام ال خسا عشرين عالبسطة لا بصراحة ساعتي غالية اجتي هدية .. ماركة بيير غاردان

لو حطيتك هالكام سمايلي ... وزعلي ياهم على البشر باخوية يعني عمليا حط لكل سمايلي اسم عضو

ام الشوش

بلاك

يمان

فوفو

جاد

ريمي

مرسيل

رامي

اب جوزيف

اب وليم

مريومة غزالية

رؤى

هاني

اش

اب سليمان

وسيم

جويس

ظل جيفارا

لبندا

اب سمرا

سرسورة

ريتا
وشم الجمال

اب سمرا


موضوع لفت نظرك اخر فترة .. كتير مواضيع ..

اجتك شي هدية مرة .. ولهلا ما بتنساها .. بتحس الها قيمة كتير كبيرة عندك بلوزة برشلونة من ايطاليا وباسم رونالدينو كتير هالهدية بتعنيلي

مين بتحب اكتر امك ولا ابوك .. وليش نفس الشي .. لانو حاولت حب حدا اكتر من التاني .. بس ماقدرت ووقت الجد ماقدرت بالمرة .. والتنين طلعو نفس الشي بس كلو احد من جهة

هلا نقي بن هالتنين :

شاورما- فلافلل شاورما شو حمصي انا لنقي فلافل

مايونيز -كتشب كتشب

خبز سياحي - خبز الدولة السياحي .. بس مشكلتو ببيت بسرعة

لحمة - جاج ممم لحمة

قهوة عادية - نسكفايه نسكافيه

ميلو - كابتشينو كابتشينو

---------

فيروز-ماجدة الرومي فيروز

جورج وسوف-كاظم الساهر اب وديع

ملحم بركات - وديع الصافي ملحم بركات

ام كلثوم - وردة ام كلثوم

بتحب تسكن بفيلا او ببيت عادي ؟ بفيلا طبعا

ليش متجاكر من الشوام ؟ مامتجاكر بالعكس عادي .. انا ماشي ومبحترم الكل وبحبن بس ازا الشامي او غير بقل ادبو وبطاول ع الحلبية .. فنحن اطول منا مافي

وراجعلك

لا ماترجع بربك