إلى وايت روز :
اقتباس:
كاتب النص الأصلي : whiterose
إلى ريم
يعني عم تشتغلي وتتعبي الله يعطيكي العافية
سياستك الرهيبة بالصالون خلتنا نحس أنو نحنا لسه تحت قانون الطوارىء
مو مهم
|
اولاً ياريت توضحيلي مين انتو باعتبارك مستخدمة صيغة خلتنا ونحنا فاذا مستخدمتيها للدلالة على مجموعة من الاشخاص ياريت تعرفوا عن انفسكون وتعلنوا اسم التنظيم المعادي لسياسات ريم في الصالون.. اما اذا الغرض منها التفخيم فمو مشكلة
تانياً مافهمت شو يعني لسا تحت قانون الطوارئ اذا قصدك بالبلد فلعلمك قانون الطوارئ بعدو شغال اما اذا قصدك باخوية فمابتذكر انو بعمرنا اعلنا قانون الطوارئ حتى تستخدمي كلمة (لسا) فبالحالتين تركيبة الجملة غلط
اقتباس:
موضوعي هاد
http://www.akhawia.net/showthread.php?p=1289536
نمقتيه وجملتيه ورشيتيلو بارفان وطني تركيب
حذفتي كل الردود ...مشكورة
بس ليش تركتي هالرد هاد
http://www.akhawia.net/showpost.php?p=1289502&postcount=2
ما أنتي عم تكنسي المنتدى بمكنسة المانية 3000 واط كيف فاتك هالرد؟؟
كل شي قمتي به في هذا الموضوع على عيني وراسي
بس ردك هاد ممكن تشرحيلي ياه أكتر لأنو لغتي أنا العامية على قدي
|
تركت الرد عمداً ولم يفتني وبالفقرة التالية بوضحلك ليش.. اما بالنسبة لانو لغتك العامية على قدك فبعتذر بس عندي حلين ياأما احكي فصحى واغلط عشر اغلاط بالجملة يا اما احكي اللهجة المفهومة المحكية ببساطة ووضل فكرتي بدون ماضحك العالم عليي (ملاحظة العامية هي لهجة وليس لغة)..
بس بهالرد بوعدك حاول استخدم أكبر قدر ممكن من الفصحى حتى توصلك الفكرة هاد اذا الفصحى يلي عم تحكي عنا نفس الفصحة يلي منعرفها...
اقتباس:
ردك هاد فيه الكتير من قلة الاحترام
اعذريني
|
لا لن أعذرك ولن أجيب على اتهامي بقلة الاحترام والجملة التي قلتها قاصدتها 100% وكمان تحت بقلك ليش
اقتباس:
ولاحظي انك مشرفة يعني انتي بتمثلي المنتدى وصورتك هية صورتو
واتني هيك عم تعطي المنتدى صفة بشعة جدا
بطريقتك البشعة هي بالتعامل مع الاعضاء
|
مزيد من الاتهامات التي ارفضها... ومرة اخرى بطالبك بحلين اما اعلان اسماء الاعضاء يلي عم تحكي باسمون وتورجيني التفويض يلي عطوكي ياه لتحكي باسمون واما تحكي عن حالك وبصيغة شخصية
اقتباس:
لاحظي انو اسلوبك ماعجبني في شي اسمو لباقة الحديث
انا ماجاية علمك اللباقة كل واحد عندو طريقة واسلوب
بس ياريت لاتكرري هالشي معي اذا سمحتي
|
لاحظت انو اسلوبي ماعجبك أما حول التكرار فهو مرتبط فيكي مو فيني
اقتباس:
حطيني بالبلاك ليست بقائمة يلي بتكرهيهم
وبما يخص واجبك الوطني احذفي وقصي واسلخي مخالفات على كيفك
|
شكراً لإلك على رسم خطة تصرفاتي المستقبلية
اقتباس:
بس ياريت لاتقربي على كرامة الشخص والمساس بمعتقداته واي شي بحبه
من كل الردود يلي انكتبت ما زعجك غير هالرد اني هل مستعدة لمواجهة الله
انتي مادخلك بتفكيري ولا بكلامي طالما ماسبيت ولا اسأت لاي شخص كان
ولاحظي انك فعلا عندك مشكلة لانك خليتي هالرد ماحذفتيه
لو هدفك فعلا اعطاءء المنتدى الصورة الاجمل والانمق
كنتي حذفتيه هو كمان
ومااسأتي لشخصي
|
صار وقت الجواب على كل ماورد فوق من إتهامات وقصص وسير مع انو الاجدى باعتبارك بالبريد وليس بالخواطر ولا بالقصة انك تسألي من الأساس ليش هالرد ما انحذف وباقي الردود انحذفت والإجابة:
الرد ترك عمداً لتوضيح سبب الاغلاق.. بنص الموضوع الاساسي يلي المفروض انو يكون بيعتمد على مصادر علمية دقيقة باعتبارك عم تحكي بشي علمي لم يتم ذكر أي مصدر ونص المشاركات كانت مطالبة بالمصادر فبتفاجئ بعدين بالرد المتروك انو الهدف صار الاستعداد لمواجهة الله وهالشي بيفقد الموضوع اي صفة للوجود باخوية لانو بتعرفي مواضيع الديانات والاستعداد لمواجهة االخالق والتبشير بقرب انتهاء الارض مانو مممنوع باخوية
اقتباس:
ملاحظة:ردك هاد مابيهمني لو سبيتني للصبح
بس حبيت وضحلك فكرة انو انتي
لستِ بالمشرفة المثالية
وتحية
|
لم ولن ولا أدعي يوماً أني مشرفة أو انسانة اوشخص مثالي فما في داعي لتوضيحك.. اما انو ردي مابيهمك فكان فيكي ماتفتحي موضوع وتسميه إلى ريم وتكتفي بسؤال عن سبب حذف هالموضوع بدون كل هالشخصنة بالحوار
** إسمي باخوية ريمي أو Reemi فياريت تخاطبيني فيه وماتموني حالك تناديلي باسمي المجرد متل ما انا بخاطبك بوايت روز.
*** اذا انتهى الاستفسار ياريت تسكري الموضوع من ادوات الموضوع/إغلاق لانو بدي اعتذر منك شكسبير ناطرني بدو يعملي لوحة 
وبدي شوف شي إستاذ لغة عربية مشان صير وقت احكي فصحى أو أضرب شي بيت شعر أعرف كلماته مزبوط وأعرف أكتب الأحرف وماصير تسالي.