بالنسبة للسيد كريم وبما أنك صرت عم تحكي استنادا لكلام علمي او ع الاقل ذو مصادر علمية بغض النظر عن اثباته او عدم اثباته قطعيا لحد الان صار ممكن رد عليك....
اول شي انا كنت قلت بنهاية الرد...
اقتباس:
|
حلو نحكي علم...ورجاء ليللي عندو رأي علم وأخص بالكلام الاخ محمد ابراهيم يللي علمه معروف أنو يوئنسنا فيه...
|
وهاد دعوة للكل انو يحكونا كلام مفيد وانت واحد من المدعويين...واذا كان ردي قدر انو يدفعك تبحث ع انترنت وتقرأ شوي فأناكتير سعيد...
ع الاقل قدرت خليك تشغل مخك...وانا مو زعلان اذا جبتلنا أراء او دراسات احدث وحتى لو كانت بتنقض الكلام يللي قلتو انا سابقا مدامك بالنهاية جبتلنا كلام بفيدنا حتى لو عاكس الكلام يللي قلتو....
هلق بنرجع شوي بنحكي عن تفنيدك لردي...
اولا...ما ذكرته انا كتفسيرات كان كلو تحت تسمية
نظريات...او Theories وبالتالي
انا ما جزمت بصحتها مية بالمية...بس قلت خلينا نحكي علم...مو تخبيص...
يعني كلام القرأن يللي جبتو وبما اني انا جربوع فما فيك تحاورني فيه وما فيك تقنعني فيه (قرأنك خليه الك...انا ما بيلزمني)...بتجبلي كلام علمي متل كلامك السابق الموثق علميا...بقبلو وبحطو ع راسي...
ثانيا...اذا انتبهت ع ردي انا قلت انو المثلية الجنسية وكما قالت الاكاديمية الاميركية لاطباء الاطفال هي نتيجة
تضافر مجموعة عوامل
وليس عامل واحد فقط وهالشي ما فيك تاخدو مأخذ ع كلامي وردك التالي ما بينفند ردي
اقتباس:
|
لقد علمنا أن الجينات ليست إلا جزء من الجواب, ولقد علمنا أن البيءة (الوسط) لعب أيضاً دوراً في التوجه الجنسي كما يؤثر في أغلب إن لم نقل كل السلوكات ....المثلية الجنسية ليست مسألة بيءية(وسطية) متعلقة كلياً بالجينات
|
واذا بتقرا بداية الجملة السابقة فهم قال انو الجينات ليست الا جزء من الجواب...يعني لا زالت عامل من العوامل ولم ينفيها بشكل قاطع...وكما اكد ع دور الوسط المحيط...
وانا كنت ذكرت بردي انو الوسط المحيط الو دور بالموضوع وبالتالي انا ما اوردت نظريات او تفسيرات خاطئة...
اقتباس:
|
الدراسة على التواءم جعلتني أتأكد من غباءك وبأنك لاتقرأ أو لا تفهم بالأحرى ما تكتبه, هذه الدراسة هي دليل ضدك وليس لك ياجربوع بيك, لأن التواءم الحقيقيينJumeaux monozygotes لديهم نفس الأدنADN ولوكان الشذوذ أصلو بيولوجي (كما تدعي بدون علم) لكانت نسبة المطابقة 100% وليس 52%, هذه النسبة الأخيرة تدل على تأثير الوسط على التوأمين الحقيقيين, لأنهما يتأثران غالبا بنفس الظروف....
|
اما بالنسبة لردك اعلاه فبعتقد انو انا بفهم كتير منيح شو معناته الكلام ودراستي بتسمحلي افهم شو مكتوب...وانا لما حطيت النسبة 52% كنت عم افهم كتير شومعناتها انها 52% مو 100% لانو انا اوردت النسبة عند التوائم وحيدة البيضة الملقحة وهي 22%...بمعنى انك انت يللي ما بفهمت شو قريت ولا شو كتبت...ليش؟؟
لانو لما بتلاحظ انو النسبة عند التوائم وحيدة البيضة الملقحة اعلى منها عند التوائم ثنائية البيضة الملقحة فلازم تطرح ع نفسك السؤال انو ليش النسبة أعلى..والجواب اكيد هو لانو العامل الجيني بيلعب دور بالمثلية الجنسية ولكنه ليس الدور او العامل الوحيد ومنشان هيك النسبة 100% لانو لما تكون 100% فراح نسقط تلقائيا بقية العوامل من الحسبان...وبالتالي النسبة الاعلى بتثبت الدور الجيني ولكنها لا تنفي الدور البيئي
يعني بردك السابق اثبت انك ما بتفهم ابعد من انفك وما بتعطي المجال لمخك يحلل اكتر من يللي مكتوب قدامك...حبيبي شغل مخك قبل ما تحكي...
أخيرا و اذا بعدك بتعتبر انو المثلية الجنسية هي انحراف جنسي رغم الرأي تبع الجمعية النفسية الاميركية
اقتباس:
|
الجمعية النفسية الاميركية بسنة 1977 ألغت اعتبار المثلية الجنسية كواحد من الانحرافات الجنسية حسب تصنيفها العالمي للاضطرابات العقلية
|
فهي مشكلتك الخاصة وانا ما بعتبر انو رأيك الشخصي هو اهم من رأي الجمعية الاميركية النفسية يللي تعتبر نظريا ذات رأي اكثر مصداقية من رأيك وخاصة بموضوع تصنيف الامراض النفسية...
وبيبقى السؤال بالاخير,هل انت قادر ان تنفي قطعيا وجود دور جيني بيئي للمثلية الجنسية؟؟؟وهل قاد انك تثبت انها سلوك جنسي شاذ بدوافع غريزية ارادية شيطانية منحرفة عقليا؟؟؟
ع الهامش...اذا كنت بعرف اكاتغوفان كاتوغز مو معناتها اني عايش بفرنسا ولا معناتها اني كتير سأل عليك او ع رأيك اذا الله فرجها علي او لاء...وبالنسبة لكلمة جربوع...فبيشرفني كون جربوع اذا كانو امثالك هم من الاحصنة...
ودمت...
رآني الله في منامه...فاستفاق مذعورا...وتعوذ من الشيطان...