اقتباس:
|
إسمو شذوذ وإنحراف جنسي يا أخ محمد, ولا يغرك كلام دكتور البهايم(دكتور بيطري يعني) هذا صاحب الموقع, ما في أي دليل علمي واحد على أنو هذا الشذوذ أصلو بيولوجي و بيخلق مع الإنسان.....
|
طبعا هون رح نحكي شوية علم...مو تهبيش حكي وتخبيص متل حكي
الطنبرجي كريم 94 او كل من دعمه وهو لا يفقه بالعلم شيئا...طبعا اذا كان الكلام مو مفهوم بالنسبة لبعض الأعضاء وما قدرو يستوعبو فلأن المشكلة بمخهم ومو لانو الكلام يللي رح تقرو بعد شوي كلام تخبيص...
بقا نصيحة للطنبرجي كريم انو يقرأ قبل ما يجاوب...
رأي الاكاديمية الاميركية لأطباء الأطفال " الميل الجنسي او النزعة الجنسية sexual orientation يتحدد بنتيجة لعدة عوامل:
جينية, هرمونية وبيئية (اي متعلقة بالوسط المحيط بالفرد) "
رأي الجمعية النفسية الاميركية " غالبا هناك العديد من العوامل التي تحدد النزعة الجنسية للفرد وهي تختلف من فرد لأخر...ولكن أقرت الجمعية بأن هذه النزعة تتحدد في سن مبكرة من العمر "
التفسيرات البيولوجية:
وجد دين هامر Dean Hamer علاقة بين المؤشر الجيني Xq28 الموجود على الصبغي X وبين المثلية الجنسية لدى الذكور (مع التحفظ على نتائج الدراسة)
في دراسة على التوائم أثبت ان 52% من التوائم أحادية البيضة الملقحة و22% من التوائم ثنائية البيضة الملقحة متطابقة من حيث نزعتها الجنسية...طبعا هي الدراسة أجراها Bailey and pihllard بسنة 1991
من بين التفسيرات البيولوجية في مجموعة نظريات:
اول شي..
النظرية الهرمونية في مرحلة ما قبل الولادة...
بيقول العالم Simon LeVay يللي بيشرح أساس هالنظرية " في التجارب المجراة
ع الحيوانات (حاشا البعض) تم أثبات أن التمايز الجنسي للجسد و الدماغ يتم بينتيجة تأثير الهرمونات الجنسية المفرزة من قبل الخصى والمبايض...الذكور لديهم تركيز عالي من الهرمون الجنسي التستسترون في كل المراحل ابتداء من المحلة الجنينة مرورا بمرحلة ماقبل الولادة وحتى فترة البلوغ ومابعدها...أما الاناث ففي المرحلة الجنينية لديهم تراكيز منخفضة من كل الهرمونات الجنسية وبالمقابل يكون لديهم عند البلوغ تراكيز عالية من الهرمونين الجنسيين الاستروجين والبروجسترون..
وبالتالي فإن التراكيز العالية من التستوسترون في المرحلة الجنينة يساهم في تمايز الدماغ ليأخد خصائص جنسية ذكرية...أما التراكيز المنخفضة من التستسترون في المرحلة الجنينية يساهم في تمايز الدماغ ليأخذ صفات جنسية أنثوية..وبالتالي فان السلوك الجنسي في مرحلة البلوغ تحدده بدرجة كبيرة تراكيز الهرمونات الجنسية في مرحلتي ما قبل وحول الولادة...
يعني شرح بسيط...أذا واحد ذكر وبالمرحلة الجنينة ونتيجة لخلل عضوي كان عندو تراكيز منخفضة من التستوسترون بدل من تراكيز عالية راح يتطور دماغة ليأخد صفات جنسية أنثوية وبيصير عندو بمرحلة البلوغ سلوك جنسي كسلوك الاناث...
تانيا راح نحكي شوي عن
الفروقات الفيزيولوجية لدى مثليي الجنس...
أثبتت الدراسات العلمية ما يلي...
* لدى الذكور مثليي الجنس : حجم ال INH3 وهي احدى نويات منطقة ما تحت المهاد في الدماغ أصغر من نظيرتها عند الذكور متغايري الجنس والخلايا المكونة لها ذات خصائص مختلفة
* حجم الملتقى الامامي أو Anterior comissure وهو أحد تراكيب المادة البيضاء في الدماغ لدى النساء أكبر من حجمو عند الرجال وعند مثليي الجنس كمان اكبر منه عند متغايري الجنس.
* يتستجيب دماغ المثليي الجنس بطريقة مختلفة لالفلوكسيتين Floxetine وهو أحد مثبطات اعادة قبط السيروتونين.
*ثلاث تراكيب دماغية وهي القشرة جانب الجبهية الانسية Medial prefrontal cortex والحصين الايسر left hippocampus واللوزة اليمنى Right Amygdale تستجيب بطريقة اكثر فاعلية عند مثليي الجنس عن نظيراتها عند متغايري الجنس عند التعرض لعامل مثير جنسيا
* رائحة العرق عند مثليي الجنس مختلقة عن مثيلاتها عند متغايري الجنس
طبعا وفي نتائج اكتر بس ما راح عدها كلها....بس كل هالنتائج
تثبت وجود اختلاف عضوي فيزيولوجي بين متماثلي الجنس ومتغايري الجنس.
بننتقل
للفروقات المعرفية لدى مثليي الجنس...
أثبتت الدراسات العلمية كمان مرة ما يلي..
* نسبة مثليي الجنس الذين يستعملون اليد اليسر للكتابة
أعلى من نسبتها عند متغايري الجنس (هلق بينط واحد وبيقلك اي هاد دليل على انهم من عبدة الشياطين لانو الشيطان ساحرهم وصارو يستعملو أيد اليسار وهاد شي حرام)
* مثليي الجنس
أكثر طلاقة بالتعبير اللغوي من متغايري الجنس
* الذاكرة المسؤولة عن تحديد أماكن الاشياء
أقوى لدى مثليي الجنس منها لدى متغايري الجنس.
التفسيرات غير البيولوجية للمثلية الجنسية:
بنحكي عن
البيئة او العوامل المحيطة: تبين أن نسبة عالية من مثليي الجنس الذكور كان لديهم أباء أقل حبا واكثر رفضا لهم وكانت علاقاتهم مع امهاتهم أقوى بكتير...طبعا تفسير هالظاهرة غير واضح لهد هلق.
طبعا بنحكي عن المثليية الجنسية...هل لازالت تعتبر مرض نفسي أو لا؟؟؟
الجمعية النفسية الاميركية بسنة 1977 ألغت اعتبار المثلية الجنسية كواحد من الانحرافات الجنسية حسب تصنيفها العالمي للاضطرابات العقلية
منظمة الصحة العالمية وبسنة 1993 ألغت ايضا اعتبار المثلية الجنسية كمرض نفسي.
طبعا هي لمحة سريعة عن المثلية الجنسية يللي تبدو انها نتيجة عدد من العوامل الجينية والهرمونية والبيئية وما الها علاقة لامن قريب لا من بعيد بالشيطان ولا بالامراض النفسية...
طبعا مصدر الكلام المكتوب فوق هو
ويكبيديا
وللاخ الطنبرجي
Karim94 
ويللي ساكن بالكاتغوفان كاتوغز وبيفهم فرنسي بنصحو يقرا هالصفحة
ويكبيديا قبل ما يخلعنا أية من القرأن الكريم ويعمل حالو فهمان ويعتبر المثلية الجنسية انحراف جنسي وانو مافي دليل علمي على انو المثلية الجنسية هي خلل بيولوجي...
شكرا لكل يللي تعب حالو وقرأ شوي...وما فاز الا النوّم....
حلو نحكي علم...ورجاء ليللي عندو رأي علم وأخص بالكلام الاخ محمد ابراهيم يللي علمه معروف أنو يوئنسنا فيه...
رآني الله في منامه...فاستفاق مذعورا...وتعوذ من الشيطان...