[الوطواط]

كاتب النص الأصلي : Willi

شكرا لدرس تحليل الشخصية الي ما عاد غريب عنك. لانك بكل ردودك بتعمل نفس الشي. بكل الاحوال انا ما رح رد على الاتهامات اللي وجهتلي ياها. رح اعتبرك غير قادر على ضبط حالك ورح اتفهمك

انا ما قلتلك لا تحكي. بس احكي شي الو طعمة.
وقف بوجه الي عم يوصل هالشغلات. اطلب من الحكومة توعي الشعب على اضرار المخدرات. علي صوتك مشان المسؤولين وولادون يبطلو تجارة المخدرات. وطالب بملاحقة تجار المخدات. اطلب مراكز صحية للمساعدة على ترك الادمان.
طالب بحياة افضل مشان الشباب ما يلجؤ للمخدرات مشان يهربو من واقع اقرب للكابوس.

سبق وقلتلك مدمن المخدرات ما بيقدر يتركها لحالو. مااااا بيقدر. ركزلي على هالكلمة وافهمى

بكل الاحوال هاد رح يكو اخر رد الي بالموضوع لاني حكيت اللي بدي قولو ولاني واثق اني لو بدي ضل العي لبكرا ما رح جيب معك نتيجة

تحياتي

انا ما وجهتلك تهم ولا حللت شخصيتك
انا حكيت بناء على كل ردودك السابقة وفيك ترجع تقراها بس حاول بعقل منفتح
واذا محاربة هالمرض شي بلا طعمه فمافي شي رد عليكغير ارجع حطلك آخر رد الي مرة تانية بلكي ترجع تقراه وتفكر فيه احسن بس ضروري ترجع تقراه كله

لأنك بترجع بتقلي الناس اللي بيهربوا والناس اللي بيفوتوا
لك ما حدا قلك لا تحاربهن
بس ما تقول انه غلط انه نوعي شبابنا ونبهن
على كل حال هادا الرد
ياريت ترجع تقراه من جديد بتأني

كاتب النص الأصلي : الوطواط

بتعرف شغلة تفكيرك غريب

فكر منيح بالحكي اللي بدي قلك اياه هلق

انت شخص صرت مغيب ذهنيا

صرت تشوف الأمور من زاوية واحد
وتفهم الأمور من منظور واحد

صرت تشوف شي هو الشر المستطير
وهو اصل كل الشرور

صرت متل جماعه بن لادن

اللي مافي شي براسهن غير امريكا
وكل شي بالعالم لازم يضربوا امريكا
وكل مشكلة هي من امريكا

صاير معك متل شخص انحد تفكيره بشي معين

اي موضوع بينطرح لازم يلف ويدور ويروح لأمريكا

لك اخي في الف موضوع برا عم يحكي عن اللي عم تحكي عنه انت

هادا موضوع لشيء آخر

بدي اسئلك سؤال
وبتمنى تجاوبني وما تهرب متل العادة

هلق انت هل بتوافقني الرأي انه الحشيش والحبوب هي مشكلة موجودة في مجتمعنا ويجب التخلص منها

رح جاوب عنك لأنه سؤال بديهي ( ايه )

وهلق السؤال اللي بدي منك انت جوابه

هل نترك هالمشكلة تكبر وتنتشر
لأنه عنا مشكلة تاني بدنا نوقف بوجهها
او لأنه عنا شي تاني عم نشتغل عليه

وبس نخلص بعدين بنفكر نواجه هالمشكلة ؟
ولا فينا وحتى لو كل شي عم تقوله صح

انه نوقف ونعلي الصوت
ونواجه

بتمنى تفكر منيح بحكيي
لأنه جدا متفاجئ بطريقة تفكيرك وطريقة تحليلك للأمور
والطريقة الغريبة اللي عم تناقش فيه

بجد ذكرتني بالجماعات الأسلامية المتطرفة
اللي ما بقى قدروا يشوفوا شي غير شي واحد

حتى لو اللي قبالهن عم يحكي لنفس المصلحة ونفس الهدف بس بطريقة تانية