اقتباس:
كاتب النص الأصلي : هـــــــون
عظيم .. وهاد هو حكينا !
انا ما طلبت منك او من غيرك انو تحترمو حرية الاعتقاد اللي عنا .. بس هاد مو معناه انو هالشي بيعطيك الحق لتسب وتشتم على كيفك ... صدقني انا ما بتفرق معي لو كنت ملحد او غيرو ، بس بتفرق معي كتير لما لاقيك بتطلب مني احترم حريتك " وما سب او اغلط " عليك* ، بس بالمقابل انت ما عم تعمل هالشي !!
( * : ضربنا فيك المثال بس الحكي مو موجه الك بشكل شخصي )
|
أنا قلتلك أنا ضد المسبة مو ضد مسبة الملحدين.. أو المتدينين.. يعني و كنت عم احكي من حيث المبدأ هي اولا
ثانيا لما بتسب و بتغلط إن كان فعل و لا رد فعل فهاد الشي غير مبرر
اقتباس:
هلق الشغلة التانية ، تعقيباً ع كلامك انو المتدينين ما بيميزوا بين النقد والمسبة ..
اوكي !! بس يا ريت تقللي انا وقت اللي بعتت تقرير مشاركة عاطلة عن رد اممي او حتى علقت بقلب الموضوع عن هالشي ... هل ردّو بتسمّــيه نقد ؟؟ انا من ناحيتي ما شفت اي توضيح او مبرر للي قالو و 100% ما بيعتبر نقد ...لانو وقت اللي بدك تنقد بتنقد التصرّف اللي صدر من شخص ، بتنقد المبرر اللي عطاك ياه ... اما وقت اللي بتتطاول ، اسمحلي .. بس هاد الو تسمية مختلفة وما بيندرج تحت النقد ..
وبالمناسبة ،
يعني مخالفتو مو واضحة مثلاً ؟؟ بحسب قوانينكم امبلى مخالفة ...
وبما انو ما معك الصلاحية لتخالف ... فـ - لو فرضنا - انك (محيت / عدلت ) بردّو شوي ... ما كنا عم نعمل هالحديث هلق ..
|
بما أنك كتير محموق خليني وضحلك هون شغلة مهمة
مو كل تقرير بينبعت أنا بشوفوا .. يعني قلتلك و باول رد ما في المقدرة الكافية على متابعة كل المواضيع و كل الشكاوي و أنا غالبا بكبس لينك التقرير (لما بيكون عندي وقت) و ما بنتبه شو الشكوى بالذات و رح علقلك على نقطة الله بالذات :
بعترف أنو بجوز شفتا و ما محيتا لأنو أنا بصراحة لما بشوف كفرية عابرة (من اللي منسمعها بالطريق 100 مرة باليوم) ما بمحيها (مو عن قصد) بس أنو الله ملكية عامة يعني و أنا بمحي المسبات على الأشخاص بغض النظر مين هني (الأعضاء بالمنتدى أو لما بتكون مسبة على مجموعة أو ..) و يعني فيك ترجع لرد أمرأة من ورق اللي فوق مشاركتي دغري و هون مندخل بمتاهة حرية التعبير و النقاط الإشكالية اللي اشرتلها برد سابق ..
و بالمناسبة ما بدي تفهم من حكيي أني ضد الأديان و المتدينين و بكره الله و اللي بيعبدو .. أبدا أنا بالأصل كنت أعبده و آمن فيه و كنت متدين ... و المثل بيقلك اللي بحب ما بيكره .. و أهلي و رفقاتي و ناسي معظمها متدينين (بدرجات متفاوتة) هلق الموضوع الأكيد أنو كتير من المتدينين بيكرهو بيحقدوا على اللادينيين و الملحدين بس بسبب معتقداتون