[The morning]

شوش الغالية ..


أنـــا آخر شخص ممكن توجهيلو هيك سؤال ..
أنا كتبت ردي مو لحتى إطرح المشكلة أو لاقيلها حل..
كتبتو من باب أنو حاسة في شي غريب , مابدي أعرف شو هو .. و بصراحة أكتر ما بدي كون جزء من حلو ..
بس من الإجحاف و الظلم , نشوف أسماء كبيرة عم تتركنا ترك جماعي بين يوم و ليلـــة .. و نقول أنو الأمور كلها تمام ..

لاحظي انّو سـؤال ابو وليم بيجي بيشمل العام كلّه و ليس فقط فتره معينه من هالعام يعني أنا ببدايه هالسنه ما كنت مواظبه بالدخول لاخويه و ما كنت بعرف شو الوضع كتير و مع ذلك بصنّف هالعام تحت العام الجيد ..
غياب البعض أكيد مـش من الاشيا الجيده و لكن انت وقت عم تقولي اخويه مش جيده عم تشملي عام ٢٠٠٨ كلّو و تعب هالاشخاص بهالعام عم يروح بالاراضي ..
ما شي بيسعدني اني قول انو اخويه فيّ و بلايّ نفسها اخويه .. و لكن هي هيّ الحقيقه.. يوسف العظمه مات " مشان الشام " بس الشام فيه و بلاه ما تغيرت .. انا بهالحاله مش عم وافق على حكي يمان عن ما يخص الاشخاص و ما اليه و لكن ماني شايفه انّو الوضع بالعام ٢٠٠٨ كان سيئ !!

لا مانها تمام .. من إي جهة بتنظريلها من فوق البلكون من تحتو .. من جوا السقيفة ..

بدون نظارات سودا ?

لما منتظاهر أنو أخوية / هيي .. هيي / منكون عمـ نظلم ناس عطت أخوية كتير كتير .. إضطرت لسبب أو لآخر أنها تترك و تمشي , منقول وجودكون بأخوية متل غيابكون .. لأنو الراية راح تبقى مرفوعة ..

يابا انت ليش ما عم تفهمي عليّ ؟
أنت عم تلخصي عام كامل بفتره صغيره .. أضافه لهيك كل الاشـخاص اللي بتـجي رح بيجي يوم و تروح و بعدين ترجع أو تكمّل طريقها لناس تانين .. تقبّل انو الناس الها حياه بعيد عننا شي مش دائما سهل المنال و لكنّه الواقع ..
نحنا - كبـشر و كسورين تحديدا - عنّا عاده نتطلع عالامور من خلال الاشـخاص يعني بس تقولي أميركا بيقلولك كيفو جورج بوش .. و كأنّو الله ما خلق باميركا غير جورج بوش .. لنعبّر عن وطنيتنا بنحط صور الرئيس عباب سياره التكسي من جوّا و منجلدها .. و ما اليه .. و هالـشي مش تمام لانو الاشخـاص بيجو ليروحو أمّـا الاماكن فتبخلق لتضل و غلط غلط غلط تغيب الاماكن بغياب الاشخاص ..
هلئ ما بدّي كتير أحكي بهالموضوع بحيث انّـو الاشـخاص اللي عم تحكي عنهم بيعرفو كتير منيح رأي فيهم و بـانجازاتهم و غيرهم بيعرف و اللي ما بيعرف يعرف ..

و فيما يخص الرايه فللاسف نعم, الرايه مرفوعه فيهم و بلاهم و فيّ و بلايّ و فيكي و بلاكي و يوم اللي بدها تبطّل الرايه مرفوعه كل واحد فينا بيروح عبيته و بنفضها سيره ..

الراية راح تبقى مرفوعة بعتقد , بس السؤال لوين متجهة ! ؟

عكس الريح

لإلك أبوشتي المتفائلة

اي لانو مافيّlمن انو يكون في كل واحد فيكم هون بيملك القدره انو يعمل شي ولو صغير ليغير الوضع اللي مو عاجبو و لكن كل واحد فيكم عم يكتفي باليأس بهالطريقه ..