[abosleman]

كاتب النص الأصلي : The morning

ابو سلــيمان .. تــحيه

امــا بــعد فــ
صــوت لــكل صــرخه
بــرد صوت شجر الصنوبر بكانون لما يجن الهوا
دفــى ام بتغني لابنا لينام
مــوت عيون بتدمع بدون ما يطلع صوت ....الموت بيجي وبيروح بدون صوت
اســود حركة بطيئة ..و عالم عم تهمس بصوت حزين
اصــفر عصافير متخبية ع الشجر وقت الغروب
ازرق صوت البحر بهدوء نسبي . لما كون نايم عالشط والموج بيطلع لراسي ويرجع عمهل
احــمر هدا الصوت ما بسمعو
بنفسجي ضحك ولاد عم يلعبو بين الورد
اخـضر انا عيون عم تسمع صوت الطبيعة
تراب مابعرف بشو شبه صوت التراب بس ممكن قول صوت اب بينده لولادو
خوف ريح بتضرب بآخر الليل ... كمان بيكون صوت الذكريات هيك
وداع عيون عم تبكي بابتسامة وام بصوت حنون بتقول الله يوفقك
قله ثقه حكي متقطع بصوت بيغلب عليه طابع الهمس
..

* هــامش ..
انــو صــوت صــوت يعنــي كيــف بــتسمع اصــوات هــالشـغلات ..
يلا خطر ببالي كــمان سـؤال ( انــو هلئ نــزل الـوحي تــبع الاســئله )

انو هدول الاصوات بذكروني بهدوليك الشغلات
وهدوليك الشغلات بذكروني بهدول الاصوات



انــو الانــسان بــحول كــل شي لــصور بــراسو فلو نــفرض انـو هــالاشــيا اشــكال او صـور كــيف بتتخيلها ..

الــصدمه .. مكان صغير فاضي صورة او رسمه عالحيط وعيون عامله هيك
الـصوت سيوف عم تتلاحم ورماح طايرة وورق مقصوص و ورد عم يطير
الفراغ مكان مليان عالم وغراض مافي اصوات وعيون عم تلاحق الهوا
الـعيد قوس قزح .. فيو لون اسود
الـقدره واحد حامل بطيختين بايد وحدة
الـتحدي واحد تاني غير الاولاني عم يحاول يحمل البطيختين بايد وحدة
الـتاريخ ختيار حامل عصاية ودقنو طويلة وعيونو شبه مغمضة وعم يحكي قصص
الروايـح شي مدري شو هو عم يركض مدري من وين بشان يزعجك
الـبدايه مساحة كبيرة من العتمة وبأخرها في نور صغير
الـنهايه .. نفس المساحه من العتمة صار ورا ضهرنا وطلع الضو مكان لتحط فيه مفتاح وتدخل

ع بدايه جديدة من الضو

خــطر بــراسي كـمان سـؤال بــس الـله بـيحـبك ..
صــار لازم قــوم ادرس

منيح انو الله بيحبني