[yass]

المشهد الثاني :


تشهد أحد حارات الموزمبيق أطلاق نار عنيف

أحد السكان عم يدق للشرطة .. أنو تعو يابا في اطلاق نار .. وفي زلمة بـ الأرض مقوصينو


بتجي سيارتين للدورية .. بيصفو بعيد .. وبيسكرو الشبابيك .. و بيقفلو البواب على حالون ..

بيجي لـ عندون الزلمة يلي دق للشرطة .. يابا .. شرفو حلوها ..

رئيس الدورية : هن اكتر مننا .. طلبنا دعم بس ليصل منتدخل .. بتجي سيارتين تانيات للدورية .. وبيصفو جنب رفقاتون ..

و سيارتيت تانيات لـ يصيرو 6 سيارات و العناصر جواتن متل المكدوس ..

وبعد ما اكتمل العدد .. حملو حالون و رجعو عـ الفرع .. و القواص شغال .. و تاني يوم سمعنا راح ضحية القواص رجال .. و مرتو .. و بنتو ..

هاي ثابت وطني فعلا... صارت من شي سنة و نص أو سنتين مشكلة بين عائلتين بالرقة اثر مشكلة اسخف من السخافة (هاي كمان من الثوابت الوطنية... ) و تطور الخلاف حتى اشتغل الضرب و تلاحقو أفراد أحد العائلات من قبل العائلة التانية حتى وصلو لدكاكينهون و فاتو و حبسو حالهون جوا و دقو للشرطة تجي تطالعهون...

الشرطة اجت و صفت السيارة بعيد و قعدو يتفرجو... قال العقيد مانو موجود لأنو راح مع المحافظ عالطبقة و ما خرج يعملو شي..

الجماعة التانيين جابو تنكة مازوت سكبوها من تحت باب الدكان و شغلو نار لحتى جبرو الشبين اللي كانو متخبين يطلعو... و دبحوهون بدم بارد و عالهداوة.. (دبح العادة.. شغل العراق يعني.. )...

المشكلة صارت بشارع تجاري و كتير ناس و ما حدا قدر يعمل شي... الشرطة واقفة على بعد 20 متر مدري كم سيارة و قاعدين يتفرجو... الناس من كتر من انصدمت من مشهد دبح الشبين صارو يضربو حجر عالشرطة و كسرولهون شبابيك السيارات...

ببالكون حدا تحاسب؟ النقيب مدري المقدم أقالوه؟ دبحو شبين قدام عيون الشرطة و بنص البلد و وضح النهار... و ما حدا حاكاهون.. و مو بس هيك... قائد الشرطة جاب شيوخ العشاير يتوسطو عند العيلة المعتدية مشان اللي ضرب يسلّم حالو...(و نشرو تحقيق بسيريا نيوز حول حيثيات المشكلة ما طلع منو شي طبعا)


انو لو بدل ما هيك صار واحد قعد يحكي شغلات ممنوعة من اللي ببالي بالك قديه يتأخرو الشباب الطيبة ليدقو فيه؟؟