اقتباس:
كاتب النص الأصلي : wile
والله يا حبيب لازم الدول العربية تساوي إجتماع طارئ لمندوبي جامعة الدول العربية
ويناقشو الوضع القائم ويستدعو السفراء الألمانيين في الدول العربية على الأقل
ويساوو لجنة تحقيق عربية لمتابعة التحقيقات الألمانية بالموضوع
وينظمو عدة زيارات للوزراء خارجية عرب ليأكدو على أهمية الموضوع
ويرسلو محققين عرب ليحققو لحالون بالموضوع
ويناقشو القصة بالأمم المتحدة
ويطالبو بتسليم المتهم للمحاكم العربية
ويطالبو بتسليم الشرطي كمان للدول العربية للتحقيق معه
ويطالبو بتسليم الشهود الي كانو موجودين بالمحكمة للتحقيق معون
إذا قدرو يساوو كل هالحكي
أنا مجهزلون الجزء التاني
|
انت عم تحكي و كانو المواطن العربي عايش بنفس الحقوق تبع المواطن الغربي, مشان هيك لازم دولتو تتحرك فورا مشانو.
ليش انت ما نك سمعان شو عم تعمل الشرطة بمصر بالشعب, ما سمعت بهدا ا للي حطولوا الشرطة عصا بمؤخرتو؟ ادخل على اليوتيوب و حط كلمة تعذيب بالعربي بتشوف شلون الدولة المصرية بتعامل المواطن وهالشي بينسحب على كل الدول العربية
يعني اذا البني ادم بدولتو ما الو اهمية بدك يعملولوا اهمية برا؟؟ بعدين ايمتى اي دولة عربية تحركت مشان مواطن عادي؟؟ اذا ما كان واصل لفوق او فاحش الثراء ما حدا بيسمع في.
اقتباس:
كاتب النص الأصلي : wile
ألمانيا فيها تحسن صورة المسلمين من خلال وسائل الإعلام الحكومية
وفيها تنشر بين مواطنيها ترك العنف ضد المسلمين
|
شلون بدها تحسن صورة المسلمين؟؟؟ اذا كل يوم بيمسكولك ناس باعتن هالمجرم المتخبي بباكستان بدن يفجروا ويقتلوا؟؟ اذا كل يوم في فيديو تهديد لالمانيا من ناس عاملين حالن حماة الاسلام , وفي ناس كتار منن حضرتك مصدقين انن فعلا حماة الاسلام.
بدك المسلمين شوي يتغيرو , شوي يظهروا للناس انو في مسافة شي سنوات ضوئية بينن وبين هالمختلين عقليا لحتى تتحسن الصورة شوي.
اقتباس:
كاتب النص الأصلي : wile
وبعدين القتل بسبب التمييز العنصري والديني والعرقي مو سبب للإعدام
قال شو؟ نتركو ينسجن بأبد
|
أخي اذا البلد قانونها هيك, ما في اعدام . في ناس ارتكبت جرائم اشد من هالحيوان وطالعون , في وحدة كانت عضو بمنظمة بادر ماينهوف اليسارية الشهيرة ادانوها ب 8جرائم قتل لدوافع سياسية و بالاشتراك ب شي عشرين جريمة تانية بالاخير حكموها 24 سنة وطلعت من كم شهر من السجن .
حاج هيك مشان الله مشاركاتك بترفع الضغط الله وكيلك.