اقتباس:
كاتب النص الأصلي : zerocold hacker
وشو هو سبب الصورة؟؟
استنى لجيب علبة المحارم!!!!!!!
|
يالل جيبي
هاد يا ستي رجعنا على سورية منشان نشوف الاحباب و نصيف
اتصلت برفيقي اللي رجع على وارسو وقلتلو انو يسالي بالجامعة ايمتا بيخلص التسجيل
فالاخ بيردلي انو معايي 10 ايام لازم كون ببولونيا لانو التسجيل رح يخلص
وانا اسا ماكان الي 10 بسورية
وصرت شيل و حط و ما اعرف وين الله حاطتني و دفعت 10000 ليرة مشان تغيير موعد الرحلة
المهم رحت و وصلت اخر يوم
ولا بيطلع الاخ فهمان غلط وقصدهم انو التسجيل للي بدهم يدرسو بالانكليزي بيخلص بهاليوم
بس انا رح ادرس مع طلاب البلد بلغتهم
يعني كان معي شهرين اسا لانو نتائج البكالوريا ماكانت بالاصل اسا طالعة
المهم انبلصت و رحت استاجرت بسكن غير اللي كنت ساكن فيه بسبب اعمال الصيانة
وضليت 15 يوم لحالي ما في بني ادم الكل مسافر
ولا رفيق ولا من يحزنون
واللابتوب اسا ماكنت جايبو
وكان معب موبايلي السحري 6230 و الـ MP4
وكنت اقعد مالل طول اليوم ما اعرف ايمتا يجي الليل لحتى نام
كنت اتسلى بتصوير اي شي بيطلع قدامي وطلعت انا قدامي وصورت حالي من الملل