[saman]

كاتب النص الأصلي : ظل جيفارا

تفاجأت بأكتر من شغلة بتسمحولي ناقشهن
رح ناقش بغض النظر واذا حبيته تسمعوني سمعوني بس ما بتوقع لإنو في كلمات سر عم تتوزع هالإيام على الشبيبة :

اولا : بستغرب انو في شخص كتير بحترمه فصل بين المقاومة والسياسة ما بعرف بس انا واثق انو اللي بيقرا سياسة صح بيعرف انو المقاومة كل كامل لا يتجزأ بيبدأ من السلاح وما بيخلص عند الإقتصاد وعند الموقف السياسي
المقاومة موقف مقاوم وهالموقف بيشمل كل حياتنا الإجتماعية ... " للدكتور عمر البرغوثي مقالة حلوة بالموضوع "

ثانيا : انتقاد حزب الله بلش يصير بشكل كتير غوغــائي وخارج عن الرؤية العلمية والرؤية السياسية الصحيحة ... وبلش يصير لأسباب مرتبطة كتير بنزعات فردية اكتر ما هي قراءة صحيحة للواقع وللسياسة
هيدا مو معناه انو ما ممكن ننتقد بس خلي نقدنا يكون بناء ...ويكون علمي ومنهجي
" لهيك انا رح ابتعد عن نقد الحزب لإنه الأسباب اللي عم ينقد مشانها كتير فردية و سلبية "

بضلني قول انو اللي عمله حزب الله سواء بال 2000 او بال 2006 هو موقف مقاوم يمكن اختلف انا وياه بالرؤى وبالمنهج والعقيدة بس حابب قول كلمة لكل شخص بينتقد اي تيــار مقاوم ..
هيدا التيار موجود واثبت حاله على الأرض بغض النظر عن كل هالحكي اللي بتمحيه كلمة سر وحدة ...
بقول هيدا الحزب لو كان داعمه الشيطان .." ما بدي حدا يفهمني غلط " لو كان داعمه مين ما كان قدر يشتغل على الأرض شغل حلــو
حضراتكن وخصوصا من قد يدعي الوطنية لنفسه " ومنهم من يملكها " هل لديكم مشروع وطني مقاوم بديل ...؟ يجعل الوعي العام العربي يتحلل من هيامه بموقف حزب الله ويتبع هذا المشروع البديل ...
وعينا العام يقبل اي مشروع وطني علماني كبديل عن المقاومات الدينية ولكن هل هناك من بديل ..
بين تلك المقاومات الدينية انا بشوف حزب الله افضلها فتجربة حماس في فلسطين رغم انها لم تحقق إلا جزءا ضئيلا مما حققه حزب الله إلا انها قامت بأسوأ مما فعله حزب الله في ما اشهد له انه تنظيم للبيت الداخلي قبل الإنطلاق في مقاومة بناءة ...

طيب خلوني غير حكيي .... ليش انتا مع حماس وضد حزب الله فيك تفسرها غير بموقف طائفي حقير .....؟
" اسف للكلمة بس اي موقف طائفي موقف حقير في وعيي الذاتي إلى ان اتغير .."
تحياتي الحارة
ظل جيفارا

هو انا معك بأغلب الحكي يلي قلتو ...
بس بحب ضيف انو هالشي يلي ساواه حزب الله او بالاحرى المعارضة بشكل عام كان لازم يصير من زمان برأيي واي واحد منا كان بدالهن كا ساوا هالشي من زمان لانو تحمللو كتيييييييييير وكتييييييييير ...يعني تخنتها الحكومة كتييييييييييير ....ولولا تصرف حزب الله الحكيم من قبل كانت قامت حرب أهلية اكبر من يلي صار بهاليومين بكتييير والحمد لله يلي ما صارت .....
وبالنهاية بحب قول انو ما حا يتفهمن ويقللي انو المقاومة لازم تنفصل عن السياسة ..لانو المقاومة جزء من السياسة والسياسة كمان جزء من المقاومة وما بتزبط تكون وحدة لحالها بدون التانية ....بعاً هادا رأيي ورأي كتيييير عالم غيري ...