اقتباس:
|
ولا نحنا ليش دائما بنشوف ايران وما منشوف غيرها هل هيدا بيتعلق بعمانا الطائفي؟
|
لاتروحي لبعيد يستر على حريمك
الي عملو حزب الله رداً على قرارين الحكومة والنزول بالسلاح الى الشارع أبداً مو لعبة لسلاح بالمدن مخيف يعني كان لازم الحزب يشوف شي تاني .. يقطع طريق المطار .. مظاهرات سلمية عارمة ... اضرابات ... شل حركة الدولة بأمور لاتعد ولاتحصى ... أخر شي ممكن يفكر فية هوي النزول بالسلاح ... كتير احياناً التهويل والتخويف ولامانع من التخوين ودحش امريكا واسرائيل بقرارات الحكومة .. بس السلاح بالاخير
ماحدى يفكر أنو حزب الله قادر يحسم الحرب أهلية بالداخل يعني بكل صدق لو رد الطرف الأخر بعنف مافي غير الله بيقدر يعرف شو ممكن يصير .. يلي مفكر أنو جماعة المستقبل والقوات لبنانية والاشتراكي عاجزين عن الرد وأيقاع خسائر بالحزب بيكون غلطان .. بيجوز خافو .. جوبنو .. ولاتخاف الا من الجبان .. وبيجوز هنن مابدهم مواجهه ولا الحزب بدو ...
ولو فرضنا أنو حزب الله سيطر على بيروت بشكل كامل وطار تيار المستقبل وجماعة 14 أذار شو ممكن يكون موقف اسرائيل بالمستقبل ؟.. اسرائيل بالحرب الماضية ماقصفت المنشأة الحيوية بالبنان متل الكهرباء والاتصالات والطاقة مو كرمال حزب الله ولا خوفاً منه بس السبب بسيط أنو حزب الله مالو دولة ... لوكان حزب الله هوي الدولة فكل شيىء بالبنان سيكون هدف للطيران الاسرائيلي .. حتى اسرائيل ماكانت تسرعت وهاجمة بالبر بهل السرعة بحرب تموز ... رغم أنة جماعة 14 اذار الهم ارتباطات وثيقة بالولايات المتحدة وفرنسا وآل سعود بس بكتير احيان هيك علاقات وخلافات بين التيارين بتكون رحمة بالحرب