آخر التطورات غير مصورة طبعاً لعدم توفر الوسائل التقنية الحدينة من سكانر ومن كاميرا انترنت وماهنالك ..
بشكل عام اعتباراً من بكرا رح بلش جدول مركز لزيارة الشام القديمة ... انشالله ياخد هالجدول معي اسبوع بأكملوا المهم رح بلش بسوق الحميدية .. ورح اشتري كم شغلة أثرية بالأضافة لهالشي رح اضرب نفس مرتب عند قهوة النوفرة ... يسعد الله
الأهم من هاد الشي العشا حيكون بمطعم الشاميات .. وانا رح أطلب تسقية ببدوة لأن صرلي 3 سنين محروم منها
وهي صورة التسقية للي مابيعرف هالأكلة وهي أكلة شامية معتبرة من الطراز الأول
مدوا ايديكم لاتستحوا ياشباب مابدكم عزيمة
هلق بدنا نحط بالحسبان الطلعة عجبل قاسيون اللي مابينشبع منها بنوب وهلق الساعة 1:42 الصبح بتوقيت دمشق .. الساعة 2:00 رح اكون على سفح جبل قاسيون واصور كم صورة ظريفة لمنظر الشام بالليل ..
لهالسبب استودعناكم هلأ ..
يا ايها الرجلُ المعلمُ غيرهِ..............هلا لنفسكَ كانَ ذا التعليمُ