شكراً للجميع عالمرور والترحيب الحار
اقتباس:
يعني بشكل عام البلد ممتاز لولا هالستمية علة 
بكل حال الحمدالله عسلامتك ماجد
|
الله يسلمك معلم
اي والله ياصاحبي لولا هالعشرطعشر علة كانت البلد من اجمل مايكون ,, الله يبارك بعملتنا قول آمين
عالهامش : كأن ماشفت لاطوابير خبز ولاهم يحزنون والخبز عم متوفر وعم يتوزع بأجمل مايكون ؟!
اقتباس:
اي الحمد الله على سلامتك صديقي
|
الله يسلمك ياصديقي شرف لعنا نقوم بواجبك ,, مية أهلا وسهلا انت والاصدقاء
اقتباس:
ياما ألف الحمدلله على السلامة
أنشألله بتتهنى و بتنبصط و بنصحك ما تعمل متلي
بدك أطنشششششششششششششششششششششش شششششششش
أتمتع بلبلد وريحة البلد و أهل البلد
كل شيئ حلو عنا و بوصيك الله يخليك أنك تروح على الحارات القديمة و تصورلي كم صورة لأبواب البيوت و شي كم صورة لناس لابسة اللباس العربي
و كول عني من عند بكداش رز بحليب و من مابعرف وين كول فتة سئية و بطحينة
و الله يجعل أيامك سعادة و سرور و سلملي على محارب و بوسو عني و ألو أني بحبو
تحيات أخوك
حلبي
|
اب حلب الغالي
والله كل ماروح مشوار ظريف بشتهيك معي ,, عنجد متل ماقلت بلدنا بأمان وخير الحمدلله ,, ومن أجمل مايكون ,, سوريا بلد سياحي من الطراز الأول خصوصاً الشام عنجد شهر مابيكفي بدنا اقل شي 3 شهور بس للشام من عدا المحافظات التانية
على هالحالة بدنا ست شهور وبنك متنقل
اقتباس:
اي يا اهلا وسهلا نورت ..
|
الله يسلمك ياغالي شرف لعنا انت التاني نقوم بالواجب معك
اقتباس:
هلا بالغالي ماجد
علوا تعملك تعريجة على حلب وتزور وتشوف صاحبك الداعي
والله مشتقلك يا ماجد
البلد معها معها بتتحسن شوي شوي
على الله
|
اب حلب الغالي نمبر تو
النا الشرف والله وانشالله اذا سمحت الظروف والله راد بيصير بيني وبينك كونتكت ,, وانت اذا نزلت عالشام كمان بتشرفني بزيارتك ويااهلا وسهلا بالحبايب
بالنسبة للبلد انا ملاحظ ان الوضع بدو شي عشرطعش سنة وانشالله الامور كلها تمام التمام
والله يقدم لما فيه خير البلد وابناء البلد ,, على قلوبنا متل العسل والله
بنشوفكم لاحقاً ولاتواخذوني اذا اتأخرت بالرد عليكم لأن ماشالله ماعم خلي ئرنة .. رايح جاية 
استودعناكم جميع 
يا ايها الرجلُ المعلمُ غيرهِ..............هلا لنفسكَ كانَ ذا التعليمُ