اقتباس:
كاتب النص الأصلي : Donald Duck
الله يعطيكي العافية خالتي ..
مبسوطة للي صار !!!!
اكم ضحية راحت في هاليومين الي فاتوا !!!!
يا ترى شو شعور اهالي الي ماتوا بالكارثة ..!!
|
خالتي انا مش مبسوطة ليلي صار انما برايي جدا كان ضروري لانو الوضع ما عاد يحتمل
اما عن شعور الاهالي فبدك تسال بالاول اهالي شهداء الجنوب يلي السنيورة واعوانو اتفرجو عليون عم يندبحو على ايد قذائف رايس بينما كان الشرعي السنيورة عم يبوس خد الشمطاء
اقتباس:
اولاً:الرئيس السنيورة موقفه قوي وما قدم الاستقال متل ما حلمو ميليشيا حزب الله
ثانيا:حزب الله حقق انتصار بالسلاح على مدنيين عزل في بيروت وما يحلم بمارسة اعماله الارهابية بغير بيروت
ثالثاً:الحزب السوري القومي اكل ايضا فركة اذن بحلبا وجب جنين مشااان حرق التلفزيون
دع الايام تفعل ما تريد المهم حزب الله لم ينالوا ولن ينالوا مرادهم......
|
والله ياعيني شكلك ماكتير بتفهم سياسة وخاصة لما بتقلي انو موقف السنيورة قوي وما تحقق حلم ميليشا حزب الله باسقاط الحكومة
عيني لو حزب الله بدو يسقط الحكومة بالسلاح كان السنيورة هلا لاجىء سياسي هو وهالحثالة يلي معو بشي دولة متلو متل قوات لحد العميلة وعلى كل يعني مش بعيدة قوات لحد عن هالحكومة المدعومة من جعجع ولكم الشرف
ثانيا ياعيني المدنيين ما كانو عزل بس في شغلة اشتغل عليها صاحبك سعد الحريري واغفل نقطة كتير مهمة
هو اشترى سلاح واشترى مرتزقة يحملوه بس نسي يزرع بنفوس هالمرتزقة قوة القضية يلي عم يقاتلو مشانا
يعني صار فيون متل مرتزقة اسرائيل لابسط سبب بيتركو سلاحون وبيهربو بعدين كمان غلط لما اشترالون خمرة شكلون الشباب شربو حتى سكرو ماعاد يعرفو مدري يحاربو مدري يهربو
ثالثا يلي صار من قبل الحزب القومي شي مرفوض من وجهة نظري وماكان مضطر يزج حالو بمشكل ما خصو فيه كان فيه يحيد حالو متل كتير من المعارضين بس انو اكل فركة ادن فما بعرف مين يلي كان قتلاه مرهونين وقايمةالدني وما قاعدة حتى يرجعوه
بالمجمل القصة كلها
انو حزب الله خير بين امرين احلاهما مر
الاول انو يسكت على قرار الحكومة غير الشرعية ويترك الموضوع حتى يتطور لصراع مع الجيش
والثاني انو يلغي القرارات بقوة السلاح
وبكلتا الحالتين الحزب خسران كتير وبكلتا الحالتين الحريري وجنبلاط عارفين انو الحزب خسران
لكن ماكانو متوقعين انو يلجا للخيار التاني لانون بيعرفو تماما انو هم الحزب الوحيد كان عدم اراقة الدماء
فكانو متوقعين يقوم الحزب بالخيار الاول وهيك بيضربو الحزب والجيش وبيحلالون الجو
لكن تفاجاو بالخيار التاني يلي رعبون وخلاهون يحسبو الف حساب قبل ما يفكرو يتحركشو بسلاح حزب الله
والربح يلي بشوفو انو الحزب حققو بيتلخص بما يلي
1- تجنب اصتضام مع الجيش وحماه ومتل مابين انو الجيش والحزب كانو بيشكلو كل متكامل بهي العملية
2- اظهر ما يسمى قوى السلطة على حقيقتها على الارض وانو التهويل يلي كنا نسمعو كل يوم والتاني من قبل سعد الحريري واذيالو ماكان الا نفخ طبل مش اكتر ولا اقل
بذكر بكل مرة كان الحريري يحط فزاعة الحرب الطائفية ويردفهابقول ونحن لها
وجنبلاط يلي مابنسى يوم يلي قال رح نحرق الاخضر واليابس ونخلي اسر الضباط يبكو دم
فالعملية هي بينت انو الناس مش مستعدة لحرب تانية ابدا وانو يلي كانو مسلحين ببيروت كانو عبارة عن مرتزقة من فقراء الشمال (وممكن يكون بعضون من المجموعات المتطرفة يلي اطلق صراحها من فترة وقامت بغزوة الاشرفية)
اما عن قول البعض انو الحزب ممثلا بشخص حسن نصرالله فقد شعبيتو فهيدا كلام مضحك شوي
يعني عن اي شعبية عم تحكو في ظل مجتمع عربي كل تفكيرو محصور بموضوع انو هيدا سني وهيدا شيعي وهيدا ضراب يلي يضرب الكل
فمقولة الشعبية مقولة مضحكة جدا من يوم يومو الحزب ما عندو شعبية لانو متل ما تابعتو باجتماع وزراء الخارجية بينسبوه لايران (ولها الفخر اذا كان هيدا مظبوط)
الشعب العرب معود انو تفكيرو ما يطلع بعيد عن انفو لهيك نهاجم حزب الله لانه شيعي ونقف مع تيار المستقبل لانه سني وندافع عن السنيورة لانو يمثل الطائفة السنية وياللغباء
بلنبان كل واحد عامل حالو راس وما بيتحكي ومارح يظبط حتى تتكسر كل الورس يلي محشية هوا
ولهيك انا اؤيد حزب الله فيما اقدم عليه والحمد لله انو كتير من الشعب السوري لاينظر الى الحزب تلك النظرة الغبية التي ينظرها بقية العرب ولعيك نحنا ندعم الحزب لانو حزب مقاوم وفقط مقاوم وصهاينة لبنان اخطر من صهاينة الكيان الغاصب