اخي عنجد اللي بشوف اللي عبصير بلبنان هاليومين
بيحمد الله من كل كل قلبو وبكامل مشاعرو ع هالنعمة اللي عايشين فيا نحن
عنجد مابتحسن بنعمة الامان اللي عايشين نحن غير لما بتشوف فاقدا
وكمان مابعرف ازا فيني قول شماتة
شماتة بكل واحد كان ضد الوجود السوري .. يعني كأنو الاحداث عبتقولن شوفو بعينكن لما طلعت سوريا شو صار فيكن .. مو بدكن سوريا تطلع طلعت سوريا اللي كانت ماسكتلكن البلد ونزلتو دبح ببعض
وطبعا بتوقع هلأ في كتير ناس شمتانين بلبنان وباللي عبصير فين وطبعا مابنكر انو انا ببعض الاحيان منن
وخلي يشوف بعينو كل واحد صاير يصيح بخروج سوريا شو صار فيه !
وع العموم خلين نازلين سلخ ببعضن وبين بعضن وخلين بعاد عنا ونحن بعاد عنن
واحسن الشي منعملو انو نضل عمنتفرج عليهن من بعيد لبعيد .. نتفرج ع هالفيلم اللي عبصير بلبنان اللي نهايتو رح تكون حزينة يمكن متل اي فلم مصري قديم
بس بالاخير نحن مجرد مشاهدين .. وكتير منا فرحانيين باللي عبصير بهالفيلم وحق معو طبعا
حتى يعرفو سوريا مين وشو كانت
وبرجع بقول الف الف الحمدلله ع النعمة اللي نحن عايشين فيا ببلدنا واكيد الله لايحرمنا منا حتى لو كنا ممكن نوصل بيوم بالايام للحالة اللي وصلو الا .. بس مع هيك نحن لهلأ عايشين بامان ورح نضل عايشين بامان بازن الله
والله لايجعل نشمت بحدا
اللــي طــــالع الجحش ع المأدنة .. بنزلـــو
|