اقتباس:
كاتب النص الأصلي : Madmax
شو عم تحكي يا زلمي ..؟؟ 
ما عرفت أنو مبارح رفعو سعر كيلو القمح نص ليرة
الله يخليلنا هالحكومة ......و يخليلنا مكرماتها |
النص ليرة هاي يروحو يلعبو فيشة فيها... ما في مطر.. مافي حصاد يعني لو طن القمح يصير بمليون قمح مافي.. الزرع ما وصل طولو للحد الأدنى اللي الحصادة فيه تحصدو.. يعني للغنم هالزرع يظل... و العالم هلأ مديونة بحق البذار اللي ما استفادت منو شي, و ما راح تقدر توفّي هالدينة من حق القطن لأنو مافي موسم قطن هالسنة.. قريت من شوي انو رئاسة الوزراء طلبت دراسة حول تأثير رفع سعر المحروقات على محصول القطن... انو يلعن سماهون يكفرو الواحد بالعبري و السرياني و السنسكريتي... يعملو الشغلة بعدين يدرسو تأثيراتها ؟؟!! هلأ هالدراسة راح تطوّل شهر شهرين عالقليلة.. و لبين ما تطلع نتائجها و يطلع قانون (غالبا فاشل) من أجل تخفيض هالتأثيرات يكون موسم القطن قرّب يخلص... هلأ بعد كم يوم يبلش موسم القطن و ما حدا راح يجازف (من الأهالي.. الدولة تزرع طبعا) بالورطة بموسم القطن... لك الجزيرة حتموت من الجوع رسمي و لسى بيطلبو دراسات.... لك عقبال ما نسمع دراسات محاكماتكم يا مجرمين لعنتو ابو البلد ع ابو اهل البلد و لسى صارعين ربنا بكروشكم و بدلاتكم و كرافاتكم و تصريحاتكم الخرندعية... اليوم الجبهة عاملة اجتماع و عم تمجّد و تتغنى برفع الراتب... لك لأيمت بس استحمار الخلق لهالدرجة بس بدي اعرف لأيمت