[phoenixbird]

[[ شرشحتوا البلد ]]

البداية كانت مع (( شرشحتوا البلد )) ..!
وعملت كــ فيديو كليب فكاهي ساخر تبثه شاشات التلفزة ينتقد المناظرات بين السياسيين اللبنانيين ..!
(شرشحتو البلد) وهو (تحية إلى النواب في زمن الانتخاب) كما يقول غدي الرحباني كاتب الكلمات وملحنها بصوته في بداية العرض.
ويقول غدي الرحباني: (المناظرات التلفزيونية بين المتنافسين جعلتني أشعر بالقرف. كل مرشح يؤكد أنه الأفضل ويهمل كل ما يتعلق بالشعب اللبناني).
ولم ينسِ أن ينتقد في الأغنية الدعايات وصور المرشحين المنتشرة ..!

أخرج الفيديو كليب طوني قهوجي
صور الفيديو كليب بالأبيض والأسود ويشارك فيه أربعة مطربين يتوالون على خشبة مسرح تجسد مقهى لبنانياً يتحلق حول طاولتهم رجال باللباس العربي يدخنون النرجيلة.



تقول كلمات هذه الأغنية :
شرشحتو البلد أكتر ما شرشحتوه
علَّقتو الصُّور والبلد علَّقتوه
ما عاد في حيطان تكفِّي
لزَّقتو الصُّور ع الحفِّي
وكيف بدَّا السوكلين تعزِّل
وتنضِّف هـ اللي عملتوه
فقَّرتوه، جوَّعتوه،
شو في بجيابي سحبتوه،
زفَّتوه، محدلتوه،
بلدي الأخضر سوَّدتوه،
ما عاد في شي عنا قايم
حتى اللي بفكرِك بيقوم
إنتو رجعتو نيَّمتوه،
... افتكرنا بلدنا تحرَّر
إنتو رجعتو احْتليتوه.
شي على العمود معلَّق،
شي على البلكون
بشريط الكهربا معنزق،
فوق الكراكون،
شي مهندس، شي أستاز،
شي مبروز بلوح قزاز،
في مرشح بالصورا مصور،
لابس الكلسون
تاري بايع صيغة مرتو
بايع كل شي فوقو وتحتو،
بنطلونو شلَّحتوه.
في نايب نازل لحالو،
عامل أوكازيون
نْتِخْبو بيطلعلك قبالو
غسَّالي وبالون،
مضوِّي الصُّورا فلوريسَّان،
عم ترشح زيت وبارفان
هيدا اللي لزقولو شوارب،
لِحْيي وبابيون
دقنو بعدا مش عم تطلع
نازل بالقوِّي ت يطلع
ويلَك ان ما انْتخبتو.
من جونيه للبسطا التحتا
ما عاد في حيطان
عملو مؤتمر شْحادي
سْتوردو الحيطان
مرشحين ومطربين
الصُّورا ما بتعرفها لمين
هيدا اللي نازل بلايحةْ
مطعم الألحان
لا خلاَّ جسر وتخشيبي
لا في عرزال ولا زريبي
وجُّو بخلقتنا لْزقتوه.
***
في ناس انْتخبو رقَّاصه
فْتكروها مرشح
برنامجها تخلع راسا
وترجع تتبطَّح
وفي مرشَّح عن المتنين
نازل وحدو يخزي العين
تخربط إسمو بصورة مطرب
واقف ع المسرح
نازل بليستة المطعم
مشاوي فراريج بيطعم،
عَشِّي ونايب باس بار تو.
ما في مرشح إلاَّ وضاحك
وجو للجمهور
بكرا ان طلع بيقلب
بيضحك ع الجمهور
وْلَكْ همُّو يتعبَّى الصندوق
بيعبولَّك ياه وْلَكْ تروق
في ناس نْتخبو ع الصُّورا
طلعلُن زمور
ان ما صوَّتِّلو رح يطلع
فينا وبلانا رح يطلع
إنتخاب وبهدلتوه.
بديِت اللَّوايح تظهر
مشيت الواسطات
نايب اللي بيدفع أكتر
بيركب البوسطات
أغاني ومهرجانات
كرنفال وخطابات
سيادي وحدي وطنيي
بلدي صار يافطات
شو هـ الإنتخاب اللِّعبي
عملو منو أكبر كزبي
وطن بشعبو زلَّيتوه.