اقتباس:
كاتب النص الأصلي : whiterose
اول شي مو مستاهل تعصب كل ها القد مافي شي مستاهل صحتك
صحتك بتهمنا انت عضو ذو فعالية كبيرة وحباب كمان
|
ميرسي عالمجاملة اللطيفة
اقتباس:
كاتب النص الأصلي : whiterose
انا وكتار بنات متلي وجهة نظرهم بالموضوع هي التالي:
غشاء البكارة مو دليل العفة والشرف
لأنو هناك بنات احتفظو فيه وهم ابعد مايكون عن الشرف
وبنات راح منهم وهم قدوة الشرف
لكن يا اخي الطريقة تختلف
الطريق واحد والطرق مختلفة
|
لكن ليش البكارة هي أهم ماتملك الفتاة؟
اقتباس:
كاتب النص الأصلي : whiterose
البنت يلي بتفقده بطريق الحادث هي مظلومة وجداً ولا تخاف الله اكيد بعوضها برجل احسن منها يقدر مشكلتها الكبيرة
|
هاد موضوع انو الله يرزقها واحد بيتفهم هوه موضوع طوباوي, تبع انو الله بيكافئنا ومدري شو, يلي هوه من صميم الترهات والخرافات, العدالة ليست على الأرض, وإنما في السماء, يعني بعد الموت
اقتباس:
كاتب النص الأصلي : whiterose
اما يا اخي البنت يلي تركت نفسها للغرائز الشهوانية وممارسة الجنس بطرق غير شرعية حرمتها كل الأديان السماوية في سبيل لحظات غريزية والكل بيعرف شو في تحت غشاء البكارة والبنت يلي عندها استعداد تفقده بكون سبيلها وهدفها واحد فقط هو المتعة الجنسية والركض خلف غرائزها شو ممكن نسمي ها الشي؟؟؟ اذا بدنا نحكي بصراحة
|
يعني مافي حل وسط؟ يا أما قمة العهر, يا أما قمة العفة؟؟
والبنت يلي مرت بعلاقة حب أو اتنين أو حتى 3 بحياتها, وين المشكلة؟ يعني هي متلها متل اللي كل يوم مع شب جديد؟؟؟ شو هالمنطق؟
اقتباس:
كاتب النص الأصلي : whiterose
حتى لو كانت بتحب ها الشب وهو متل ماعم يقول بحبها؟؟
طيب يتزوجو؟؟يروح يطلب ايدها من اهلها؟؟؟
ومين قال انو الشب مو مهم اخلاقه او عذريته كلشيء مهم بالنسبة لها الشي
لكن الشب لا دليل على ها الشي سوى صدقه مع نفسه ومع ربه ومبادئه
|
شو الزواج كتير سهل لبسيط يعني؟؟؟ والله حاسك عم تحكي عن مشوار ولا عن روحة على كافيه!
اقتباس:
كاتب النص الأصلي : whiterose
مين قلك انو نحنا كبينا العلم والأخلاق والتميز ؟؟؟
اغلب رجال ها الأيام عم يطلبوه امرأة مثقفة لحتى على القليل تقدر تتفاهم مع اطفالها بمرور الزمن
|
هاد بيجوز المجتمع يلي لنتي عايشة فيه, بس الأغلبية صدقيني مو هيك!
بعدين شو دخل العلم بغشاء البكارة شو دخل الوزيرات والقائدات ؟؟؟
يعني هلىء لازم الوزيرة تكون من غير غشاء!!!؟؟؟
[/quote]
مادخل, بس انتي برأيك انو بمجتمع بيقدس البكارة, هل يمكن أن يسمح للمرأة أن تكون حرة إلى درجة السفر لوحدها مثلا للحصول على الدكتوراه في مجالها من جامعة أوروبية؟؟؟ هل يمكن لها العمل لوقت متأخر؟؟؟ هل يمكن لها اتباع دورات تدريبية في الخارج أو زيارة معارض ومؤتمرات؟؟؟
والشباب يلي بحبو يتزوجو امرأة غير متعلمة كرمال ما تتفلسف عليه متل ما اتفضلت اسمحلي قلك انك عم تحكي عن شباب متخلفين بها الزمن قلت نسبتهم كتيييير
او عم تحكي عن اهل الضيع والريف
[/quote]
أول شي مادخل ريف ومدينة, دخل تربية ومعتقدات,
تاني شي لما الشب ييوصل لمرحلة الزواج, أمو بتنقيلو بنت مكسور راسها, وهو بيقتنع بحكي أمو, لأنو مابدو وحدة تناقشو وتحاورو, بدو وحدة تطبخ وتجلي وتجيب ولاد والمسا تكون جاهزة (فهمكون كفاية)
اقتباس:
كاتب النص الأصلي : whiterose
الله يفتحها بوشنا وبوشك وبوش كل مضايق ونضل عايشين سالمين متحضرين
خليك متفائل ومسرور فالحياو مجرد سنين تمضي بها الأيام ونحن عم نكبر
ولا كمان بدك تقول الله لا يكبرنا
|
ميرسي والقايل
بس التفاؤل خلينا نشيلو على جنب, لأنو التفاؤل بدون عمل هو كالصلاة بدون إيمان!
عكل حال, بتصور انو الكل بينبصت إذا بقولل: الله لا يكبركون, لنو الكل بيحب يضل مشبشب وعايش حياتو بدل الهكل والكبر والمرض؟؟
ماهيك يا أحلى وايت روز؟
يا شارب الخمر من القطرميزي.... ان عِشْتَ عِشْتَ,, و إن مُتَّ لـ*ـيزي
Never underestimate stupid people in LARGE GROUPS!
إلى أن يعود معتقلوا الرأي... تصبحون على وطن!