هالقصة مو أول مرة بتصير بسوريا وأنا سمعانة كتير هيك قصص
بالنسبة لعنوان الموضوع هل المسيحيين مواطنين درجة تانية! ما فيني قول أي لأن بعمري ما حسيت بهيك شي من ناحية الحقوق بالعمل أو بالدراسة مثلاً
يعني التمييز بيصير على اساس الواسطة مو على أساس الدين بخصوص التوظيف 
طبعاً عم احكي انطلاقاً من خبرتي الشخصية وخبرة اللي حولي
لكن قانون الأحوال الشخصية كتير جائر وطائفي نوعاً ما وبحاجة لكتير تعديلات خصوصاً بالنسبة لقصص الزواج من دينين مختلفين أو تغيير الدين
برأيي بدولة متل سوريا فيها طوائف مختلفة كتير لازم يكون القانون نوعاً ما علماني أو مدني (ما بعرف شو التسمية المظبوطة بس قصدي بعيد عن الدين) وما يصير انحياز لدين معين
تحياتي 
// وأنّ حضورك في دمي مسكُ الختام //
|