رسالة الى اممي
انت رائع بكل المقاييس وبتمنى صير متلك
الى صديقي فادي
صرلك غايب عني 3 سنين كل سنة بعيد الفصح كنت اشعلك شمعة وعيد عليك بعرف انو جسمك غمرو التراب بس روحك عم تدور حولين كل يلي حبيتون وبعرف انو روحك قريبة مني دائما
هالفصح ما شعلت شمعة شغلتني عنك الدنيا ياصديقي ونسيت نسيت سلم عليك وقلك فصح مجيد
لهيك بعرف انك زعلت مني لاني ما اتذكرتك بهيك عيد وانت كنت مؤمن كتير
اليوم ورغم مرور عيد الفصح ضويتلك عشر شمعات وسلمت عليك من كل قلبي وحسيتك حواليي بهي اللحظة
لهيك فرحت
انت بتعرف تماما انك مابتروح من بالي ابدا لانك بكل تفصيل من تفاصيل حياتي
فصح مجيد