اقتباس:
كاتب النص الأصلي : الموسيقار
أنا الي بعرفو عن سجن تدمر .. وسدقني بعرف أكتر بكتير من أي شخص ممكن يعتبر حالو بيعرف.. أنو بطل للتهم السياسية .. وأنو تركز حبس المساجين السياسيين .. والي في نسبة كبيرة منهن بتستاهل الحبس بجدارة ..
بصيدنايا و المزة .. وفقط .
وباكدلكـ تمماااام .. أنو سجن تدمر سجن قضايا عسكرية ..بس ..
راحت هديكـ الأيام ..
يا أخي اتطلعو عالنص المليان من الكاسة .. الموضوع كتير منحسر .. من 60 ألف . لألفين .. حسب تقارير منظمات (حقوق الانسان) ..
في كتير خطوات لقدام .. سيادة الرئيس عن جد ما عندو عصاية سحرية ليقيم الشعب السوري والعقليات الدينية المتخلفة ويحط بدالها ..
|
فيك تقلي بما انك هيك يعني شكلك مثقف ثوري شو بتعرف انت عن ماسي سجن تدمر؟؟ سمعت عن ال 800سجين اللي اعدمتن عصابات رفعت الاسد ب 26 حزيران 1980 من دون محاكمة او اي دليل بس لانن بينتمو لطائفة صار كل افرادها فجاة متهمين انن اخوان
سمعت عن ال 150 شاب اللي كان يعدمون بكل اسبوع واللي اعترف طلاس بانو كان يوقع على اعدامن ومن دون اي فرصة لمحاكمة عادلة وكلن اعتقلوا بناء على تقارير ومعلومات ملفقة من المخبرين
عن جد ما بعرف البروباغندا شو ممكن تعمل بعقل الانسان ليوصل لدرجة يحط الحق على الضحية ويمجد المجرم يعني انا مابستغرب ابدا لما بشوف ناس باوربا عم تدافع عن اسرائيل وتهاجم الضحية طالما نحن بهيك عقلية ليش نعيب على غيرنا
تصور معي لو انقلب الحكم في سوريا هلق واجى حكم دكتاتوري بس معاكس تماما لنظام بشار الحالي و طبقوا نفس السياسة الاجرامية على الشعب بس هالمرة ضدك انت واخدوك هيك من دون تهمة شو رايك لو اجى واحد وقال انو بتستاهل اللي رح يعملو فيك؟؟