اقتباس:
الكلام أنو تحتفظ سوريا بنتيجة التحقيق كورقة رابحة ممكن ( بس مو لفترة طويلة )
بس أنو ما بتتأثر مصر أو السعودية لو طلع ألهم أيد بالموضوع هادا كلام مو مزبوط أبداً ... و بعتقد هون الضغط السوري الي ممكن تعملو بتأثير هيك نتائج على دول بهالمستوى .. السعودية ما رح تتأثر شعبياً ( لأنو شعبها أساسًا ما بيفهم بالسياسة ) لكن تأثيرها دولياً و ديبلوماسياً ولا تنسى أسلامياً رح يكون كبير و عظيم و مؤثر كمان
|
رأيي انو لا عربيا و لا اسلاميا راح تتأثر ... أساسا ما عندهون شي يخسروه. اكثر من انو كفّرو دعم حزب الله أيام حرب لبنان؟ هاد عندهون حجة انو قتلوه لأنو عمل عمليات بالسعودية و بالكويت... حتى بالكويت صارت اعتقالات لناس راحو تقدمو بالعزاء
اقتباس:
اقتباس:
سوريا ما ألها أي تأثير على حماية مغنية ولا ألها علاقة بحمايته لأنو دخل على البلد بصورة غير رسمية و من دون علم المخابرات و الأمن السوري و هالشي بينفي أي مسؤولية للأمن السوري بحماية مغنية
أما النقطة الي بتنحط على الامن السوري هي أنو بسوريا موجود خلية أمنية نايمة لجهة معادية جاهزة للتحرك بأي وقت و قادرة توصل لأشد الناس أمنياً و حرصاً . كمان هالجهة قادرة على إدخال مواد متفجرة عالية المستوى للبلد و عندها اتصال مع الجهات المسؤولة عنها
بغض النظر ... أنا بعتقد أنو نتيجة التحقيق رح تظهر أمور سوريا مأجلتها لوقت أفضل و بعتقد رح تلعب عليها و تقايض اسرائيل عليها قريبا
|
طيب هون متفقين انو باتجاه أو اتجاه آخر صار في غلط ما... بخصوص دخول خلية و ادخال مواد متفجرة و وصولها لعماد مغنية بطريقة ما (يعني حدا خانو... من أعوانو من حدا بيعرف انو بسوريا ... ما بعرف ... بس حدا خبّر انو هالزلمة موجود بالمكان الفلاني)
أما بخصوص انو موجود بدمشق بدون علم السلطات السورية.. كمان عندي ملاحظة هون: ما بعتقد يكون هالأمر صحيح, و طبيعي سوريا تقول انو ما بتعرف بوجودو كونو شخص مطلوب لأكثر من دولة سورية موقعة معها اتفاقية تبادل مطلوبين لذلك أسهل شي انو تقول انو ما بتعرف انو موجود... لكن هل حقيقة ما كانو يعرفو انو عماد مغنية هون؟ رأيي انو معروف... على مستوى عالي جدا و ضيق طبعا بس معروف... و لو اخذنا احتمال انو ما كانت السلطات السورية تعرف بوجودو.. يا ترى ليش هالخطوة؟ مو مطمئن انو يكون شخص مهم من حزب الله مثل عماد مغنية بدمشق و ما تتبلغ السلطات ما هيك؟
تحياتي الك