هلق كشكشة ما بكشكش لو بدهم يكشوني مية مرة
اليوم دخلنا على مركز الشبيبة المهم بدنا نسلم دفتر العائلة
نط واحد قلي اليوم ما عمنستلم
قلتله ليش خيو
قلي في ورقة برا مكتوب عليها اليوم ما منستلم
المهم وقفت أنا ومعي رجل عمره 75 سنة أمام باب التسجيل المغلق قسرا
ولاحظت بالداخل في مواطنين عبيسجلو دفاترهم
طبعا انا ابن الداية
المهم بالأخير بعد جزر ومد وخود وهات ومرر وقنطر وسنطر ودخيل وأمان
قدرنا ندخل للغرفة
بالغرفة في 3 عبيشتغلو ماشاء الله متل خلية النحل
وبزور لستلمو الدفاتر ما بقى غير أشيله فوق أكتافي وأهتف فيو
وبالأخير استلم دفتري ودفتر الرجال الي عمره 75 سنة بس بشرط
نجي الساعة 2 وعلى حسب حظنا يا أما بيبقا دفاتر للمازوت او لا لأنه عبيستنو
المحافظة تبعتلن دفاتر
بقى أدعولنا
(إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالآَخِرَةِ وَاللهُ يَعْلَمُ وَأَنْتُمْ لاَ تَعْلَمُونَ) [النور:19]