اقتباس:
كاتب النص الأصلي : بنفسجة
يا عمي ما ذنب المشرف انا مش عم احكي انو مسؤليتك او لا ولا عم احكي انو في مشكلة بالموضوع بالعكس
بس لا فعلا الاستفتاء يلي كان بالسياسة بينصب بنفس سياق هيدا الاستفتاء انا هيك لاحظت الخيارات كانت بتصب انك مع الرئيس او ضد شخص الرئيس وهون نفس الشي يعني يلي صوت هنيك انو مع الرئيس مش رح يصوت هون غير بنفس السياق والعكس هيدي هي الفكرة يلي حكيت فيها
وابدا مافي مشكلة بالموضوع كل ما كترت هي الاستفتاءات عم تعطيني ثقة وارتياح اكتر (بالنسبة الي)
بس كمان مش حلو التكرار لانو بعيدن بيصير كتير ممل الامر
|
أنا ما عم قول انو التكرار منيح... بس شو بدي اعمل فيه يعني... في تكرار بكومة مواضيع من يوم يوم الأخوية.. هلأ بدي أوقف عند التكرار؟ اذا بسمح بالتكرار (أو ما بسمح.. بالأصح مافيني اعمل شي..) بخصوص غير مواضيع ما بعرف ليش يجي سؤالك للمشرفين بنص موضوع بنص سياق الموضوع.. هلأ بصراحة برأيي لو زاعجك التكرار كان اشتكيتي بالبريد أو اشتكيتي للمشرفين أو بعتتي تقرير مشاركة عاطلة أو بطريقة أخرى و ليس بهالطريقة و خصوصي انو حضرتك -بكل حق و حرية طبعا- بتشاركي بمواضيع مكررة, و ما في غلط بهالشي, فما بعرف ليش ع هاد بالذات صارت القصة... لأنو احساسي انو ردك يحمل بثناياه انو الاشراف الو مصلحة بهيك موضوع لهيك "طنّش" انو مكرر... هاد اللي حاسو بصراحة... صلحيني اذا غلطان بس أنا هيك حاسس
و حتى لو هلأ اجيت محيت هالموضوع مثلا... ممكن يجي صاحبو يقلي انو سؤالو و استفتاؤو مختلف تماما عن استفتاء وسيم (و مزبوط هالحكي... في اختلاف) شو بدي قلو؟ ما فيني احاكم نياتو و لا اعطي لنفسي الحق انو اقول انت فاتحو لكذا و كذا... فيني اعتبر الموضوع سخيف - مع العذر لصاحبو- و ما بشارك فيه متل ما عملت لحد هلأ لو ما شايف سؤالك..هاد كعضو.. كمشرف مافيني اعمل شي..
تحية