اقتباس:
كاتب النص الأصلي : Madmax
بس الاشاعة قالت .... أنو كلفوا اللواء علي يونس ...تسيير أمور الشعبة
يعني حسب الاشاعة ... هو ماعاد موجود على رأس عملو
و برأيي لو الشغلة أكتر من اشاعة ....... كانوا استغلوها بالاعلام أكتر من هيك
|
هيك الحكي.... بس حتى لو الاشاعة صحيحة.. هو ما زال رئيس الاستخبارات العسكرية لأنو ما طلع قرار بكف اليد انما -حسب الاشاعة- تكليف شفوي للواء علي يونس بتسيير شؤون الاستخبارات العسكرية حتى تموز , و بعدين هو ما زال لواء بالجيش...
اعتقد راح تظل الأمور معلقة و ما حدا عرفان شو القصة لفترة منيحة, لحد ما يبين شي أو يصدر شي واضح..
على الأغلب كمان الاشاعات مبالغ بها (من ناحية نية اتهامو بمحاولة انقلابية مثلا) بس كمان اعتقد مافي دخان بلا نار, في شي عم ينطبخ ضدو لأنو عبد الحليم خدام (اللي ما زال يحتفظ بعلاقات قوية داخل سوريا.. عالمستر طبعا) صارلو فترة شهر و شوي يبيض صفحتو لآصف شوكت (لا يعني انو آصف شوكت كان يتعامل مع خدام طبعا.. انما خدام بدو يستغل بشكل دنئ أي خطوة ضدو مشان يقول ليكو المنيح بيناتهون طيّروه...)
ما استبعد كمان يكون مصدر الاشاعات من الداخل... تحضيرا لامكانية تقديم آصف شوكت ككبش فداء بقضية عماد مغنية (ليس بتواطؤ انما كتقصير) لأنو ايران عن طريق وكالتين رسميات+ الصحيفة الناطقة باسم علي خامئني ركزو بشكل ملفت للنظر على انو "السيارات المفخخة كانت موجودة كمان داخل مرآب بيت عماد مغنية"
ضمن أخبار تأكيد مسؤولية بندر و المخابرات السعودية عن الاغتيال... هالشي برأيي رسالة لسوريا انو الحق مو عليكون.. لكن عندكون صار في تقصير... و كمان ممكن تكون خطوة امام المحكمة الابتزازية الدولية تبعيت الحريري... لأنو ممكن لو ثبت الادانة يسلمو ضباط صغار لكن ما يسلمو آصف شوكت... و السبب هو انو لو عن جد يتهموه بالخيانة العظمى مانهون مجبورين, بناءا على القانون الدولي, يسلموه لأي جهة قبل انقضاء فترة العقوبة ببلدو... و العقوبة راح تكون طويلة الأمد طبعا.. يعني هات ليل... و خذ عتابا
طبعا هاي مجرد تكهنات شخصية.. السيناريو يجوز خيالي شوي لكن اعتقد كخطوة تكون ضرب عدة عصافير بحجر واحد