[yass]

و أخيرا موضوع سياسي بقسم السياسة !!

هلأ الموضوع مهم و ممتاز... لكن مشان نعرف كيف نشتغل فيه لازم نعرف اليسار ما هيك؟ انو هلأ كل من قال أنا شيوعي أو أنا اشتراكي هو يساري؟ أعتقد انو لأ... و بالشيوعية و خصوصا في الشيوعية العربية بشكل عام و السورية بشكل خاص في ناس أكثر يمينية و رجعية من اليمين الرجعي بذاته..

كنظرة شخصية لليسار (لاحظ عم احكي عن اليسار لا عم احكي عن الشيوعية و لا عن الماركسية... في يسار لا ماركسي أو لا ماركسي حرفي) يقوم على عدة مبادئ:

- الانسان و الانسانية ككل, كقيم... لا يمكن محي الانسان و انسانيته مهما كان السبب و مهما كان المسبب
- الاقتصاد في خدمة المجتمع
- العدالة الاجتماعية و المساواة بالفرص و امام القانون (و في عدة طرق لحتى يكون في مساواة من غير ما تكون مساواة بالجوع!! الظاهر "الرفاق" ما بيعرفو غير هالطريقة)
- الأممية ثم الاممية ثم الاممية... نلاقي تعاريف للأممية كثير.. لكن بالنهاية المهم يكون التعريف واضح.. و بناءا على هالأساس أي حزب قومي لا يمكن يكون حزب يساري... اليسار وطني و ليس قومي... نقطة مهمة هاي..


بناءا على هالمقدمة البسيطة و الملخصة جدا... فيني أقول و دون الخوف من الخطأ تقريبا انو مافي احزاب يسار كما افهمه أنا بسوريا... كان في واحد بالزمانات اسمو فرج الله الحلو... شوي كان يحكي هيك و تخلصو منو.. لكن في حال انوجد يسار ديمقراطي حقيقي, واقعي و موضوعي.. طبعا راح يشتغل و راح ينفع مثل ما نفع بغير مطرح.. لكن أول شي لازم يكون موجود ما هيك؟


تحياتي