اقتباس:
و أنا بعرف انو بمكانو مو بالمنبر .. بس لأنو موضوع بيهم الكل و الآراء رح تكون كتيرة فيه حطيتو بالمنبر .. لا تواخذنا معلم 
|
على عيني ولا يهمك.. عملت عين العقل
اقتباس:
|
أنا الي بشوفو أنو اذا كان موضوع التخطيط لأنقلاب من آصف شوكت صحيح .. فهادا يعني أنو في مخابرات من دول عربية مشتركة بالموضوع و هادا الي صرحت سوريا عنو لما تم اغتيال عماد مغنية ... أنا بعتقد أنو السعودية ومصر ألهن يد بالموضوع ( اذا كان الموضوع صحيح )
|
هلأ بصراحة قصة الانقلاب اعتقد تخينة كتير... ما بعتقد يوصل لهالشي.. اللي لا شك فيه انو كان في صراع كبير داخلي عالسلطة و عالمصالح, و هالصراع كان حتى شبه علني بقضايا عديدة منها مثلا قضية ورثة جميل الأسد.. أو حتى تعيين علي يونس كنائب لآصف شوكت رغما عنه رغم انو العلاقة بينهم سيئة جدا كانت رسالة واضحة انو سلطتك كبيرة... لكن تحت ايدنا
هو من زمان الحكي عن انو آصف شوكت تحت المجهر لأسباب كثيرة.. لكن كتير أخبار كانت تحمل طابع المبالغة بشكل كبير.. لكن من يومين الحقيقة (موقع نزار نيوف) (ما بحبو لهالزلمة... بس لازم اقر انو بالعادة أخبارو تحمل طابع المصداقية و مصادرو أغلب الأحيان موثوقة) حط خبر انو بشرى الأسد بباريس و عم يتجهزلها قصر بقطر بضيافة أمير قطر (اللي تربطو بالقيادة السورية علاقة وثيقة جدا مثل مو معروف) و انو تم تكليف علي يونس بتسيير أمور ادارة المخابرات العسكرية حتى اعلان تعيينه رسميا بالنشرة العسكرية بتموز (يعني ما بدهون يطالعو نشرة خاصة بس بهالتعيين لأنو تكون تعمل بلبلة.. ففي محاولة لكي تكون القصة روتينية.. على الأقل ظاهريا... و هاد أمر طبيعي, يعني ما راح يقولو انو الرجل القوي بالأمن السوري طلع خاين!!!), و نشر هالأخبار بموقع الحقيقة لفت انتباهي.. حتى بعتت اللينك لأحدهم/ هن من الأعضاء لأنو لفت انتباهي... و هلأ الحكي شوي شوي عم يتأكد
على كل خلال الساعات أو الأيام القليلة القادمة راح تتضح الأمور شوي شوي.. بهالأيام صعب شي يتخفى
تحياتي