[الموسيقار]

كاتب النص الأصلي : phoenixbird

هلا في فكرة براسي انو
بالفترة الاخيرة تقرر فصل الحزب عن الدولة وابقاء الحزب بموقع الرقيب
هيك الوضع صار افضل؟

هلأ اللي بعرفو أنو الفكرة مطروحة لإعادة هيكلة المنطلقات النظرية للحزب .. وهاد الشي حكاا عنو الدكتور بشار أكتر من مرة .

والحكي الماشي بكوادر الحزب .. هو عن قولبة جديدة لمنظومة التفكير بحزب البعث العربي .. الاشتراكي . .

هلأ بتصور أنو لو بدو يصير هاد الحكي وتبعا ً للي عم يصير هلأ بسوريا .. لازم أصلا ً يتغير اسم الحزب ..



1- البعث العربي : سوريا بشكل أوتوماتيكي بسياستها الخارجية عملت طلاق كبير مع العرب .. سواء بالسياسية الاقتصادية أو العسكرية أو حتى الثقافية .. رغم أنو هيي بتتمتع بحضور عربي كتير ..
وركزت اهتمامها على غير العرب من ايرانيين وروس وصينيين وكوريين شماليين .. وشكلت معهون محور اقتصادي عسكري .. اقتصادي . مو كتير مبيننين أغلب لاعبينه بس مع الزمن عم يبينوا ..

يعني سوريا بشكل تلقائي عم تتمايز عن المحيط العربي .. بسبب خيبة أملها من العرب .. وخيبة أملها من القواسم المشتركة الي طلعت مع الزمن فاشوش .

ما بدي كتير أتفرع .. بس هاد اللي عم يصير

الاشتراكي: سوريا وقفت العمل بـ (التحويل الاشتراكي) بأواخر التسعينيات .. بعد ما تبين أنو الاشتراكية فكرة رومنسية .. وما خرج تتطبق بمجتمعنا ولا بأي شكل من الأشكال .. وبدأت فيها الخصخصة المقنعة .. (يعني بلا ما يصير حكي أنو اسمها خصخصة) .. وخاصة بعد ما مسكت الصين نظام السوق وقالت يالله .. وبلشت بطرح الشركات المساهمة .. وترخيص البنوكـ الخاصة .. و (بورصة) الاقتصاد .. وبظن كلا شهرين أو تلاتة وبيعلن سوق الأوراق النقدية السورية فتح أبوابه .. بالإضافة لحق الأجانب في التملكـ وقوانين الاستثمار .. والأموال الخاصة الضخمة الأجنبية اللي عم تنضخ بالسوق السورية ..



يعني بالمختصر حزب البعث اسميا ً محافظ ع قيادته للدولة .. بينما الدولة عم تتجه للتحرر من الأفكار القديمة للحزب .. وهي بنظري خطوة ايجابية .. رادت القيادة السياسية من خلالها .. تردم أخطاء التسعينات والتمانينات الاقتصادية والمعيشية .. والسياسية ..

وإزا ملاحظين معي أنو سلطة المحافظين ورؤساء البلديات صارت أقوى بكتير بمحافظاتهن .. و أمين فرع الحزب صار صورة بس ...

أف نملت ايدي .