[صياد الطيور]

لما تأسس الحزب سنة 47 كان نتاج فكر جهادي نضالي قومي .. و طالع بهديك الفترة عمالقة و فهمانين بجد
و كان الأنتساب للحزب عن إيمان بمادئ الحزب و قناعة وكان الواحد منهم مؤمن بكل كلمة عم يقولها و يرددها ..
بالوقت الحالي ... الدنيا تطورت بشكل سريع و عجيب و القوانين و المبادئ الي بنى حزب البعث العربي الاشتراكي أسسه عليها تغيرت كلها, و مع هيك مازال الحزب عم ينادي بأمور .. بعتقد ما في غيرو برددها ( عن غير قناعة ) يعني ما في واحد بالوطن العربي بيعطيك أحتمال 0.01 % أنو ممكن يتوحد العربي و يصيرو دولة وحدة بمنطلق واحد و أهداف وحدة ...


لهيك بالوقت الحالي بعتقد أنو الحزب هو عبارة عن مصلحة شخصية ومنفعة خاصة و شعارات ( فارغة ) لا أكتر ولا أقل ..
و لازم على الحزب ( اذا أراد الأستمرارية ) إعادة هيكلة جميع أجزاءه القاعدية و الهرمية .. و صياغة أهداف ومبادئ تناسب حاجات و مستلزمات الفترة الزمنية الراهنة و حاجتنا مبدئيات ( ما بتطعمي خبز )

المسح الفكري الشامل للمجتمع السوري عن طريق فرض تاريخ و ثقافة مزورة و دخيلة تماما

كلام سليم .. بس عطيني دولة عربية ( وللأسف ما في مجال للمقارنة غير مع العرب ) ما بتعمل هيك و لمصلحة قادتها

- ثقافة التخوين.... منتج ناصري و تطوّر جدا على ايد البعث... من لا يناسبني خائن.. قمة الافلاس الفكري

بحسب مبادئ الحزب و أهدافه .. أي شي بيتعارض مع أهداف الحزب هو خيانة وهي كمان لازمها برمجة لأجيال من السوريين الي رضعوا هالمبدأ

بالفترة الاخيرة تقرر فصل الحزب عن الدولة وابقاء الحزب بموقع الرقيب
هيك الوضع صار افضل؟

طبعا فرقت الحكاية مع البعض كتير كتير و كتير كمان ... لأنو في كتير أمور صار فيها ( كف يد ) للحزب .. بس مع هيك لازم يكون نشاط الحزب الحاكم ( اذا جاز التعبير ) متجه بهدف ارضاء القاعدة الجماهيرية الي بيدعي انو بيملكها

و تحية كبير كتير لكل الشرفاء الي اسسو هالحزب و و للرفاق الي ساعدوا بنهضة الحزب .. بس للأسف ما عرفوا أنو هالتضحية رح توصل الحزب لهون ...