هاد الجواب الصح,
أنا رأيي أنو لازم ننزل لمستوى تفكير الولد, يعني متل ماحكت فراشة مزبوط, وبالنسبة للصبي, كمان نفس القصة ونفس التدرج بالمعلومة, الثقافة الجنسية كتير عنصر مهم بالتربية ولازم نعطيها أهمية, أنا بعرف وحدة ضلت للبكالوريا تفكر أنو إذا باست حدا من تمو بتحبل!!!
قامو رفقاتها استلموها صارو البنات كل وحدة تضحك عليها شكل وتعلمها شغلات ما أنزل الله بها من سلطان!
والشباب بيتعلمو من بعض شغلات مو منيحة وفيها قدر كبير من الشذوذ والحط من قيمة الأنثى على أنها مخلوقة فقط للجنس وتلبية رغبات الرجل, وهاد سبب أنو بإحصائية أجرتها جامعة أمريكية في المنطقة العربية طلع معهون أنو 85% من النساء لايعرفن معنى النشوة!!! ليش؟ لأنو التربية الغلط والثقافة الجنسية المأخوذة من الأصدفاء (الذين يدّعون الخبرة) تكون غلط ومنقوصة وتركز فقط على إشباع الرغبة الذكرية دون الاهتمام بالرغبة الأنثوية, يعني بالمختصر, الموضوع مو بس موضوع جيبان ولاد, الموضوع عن الأداء والحب والرغبة بإرضاء الطرف الآخر وليس إرضاء الذات, عندما نربي أطفالنا على إرضاء الآخر قبل التفكير بإرضاء الذات منكون عم نأمللهون حياة جنسية صحيحة وعلاقة زواج ناجحة.
يعني لولا بعرف أنو الموضوع رح ينحجب ويتحارب, لكنت حطيت موضوع عن الأداء الجنسي والمشاعر والحب التي يجب أن تتوفر للوصول إلى علاقة صحيحة وصحيّة!
يا شارب الخمر من القطرميزي.... ان عِشْتَ عِشْتَ,, و إن مُتَّ لـ*ـيزي
Never underestimate stupid people in LARGE GROUPS!
إلى أن يعود معتقلوا الرأي... تصبحون على وطن!