خطر عبالي اعمل مقال عن الحركة لحتى نلغي اي التباس بذهن الرعاع المشتركين والعملاء المشرفين عن واقع هالحركة، وخاصة اني عم اتلقى تهديدات بالاغتيال من وقت ما اسسنا الحركة ومشان ما تضيع الانجازات الفكرية والعسكرية لهالحركة المهمة كتير.
اعزائي و رفاقي واخوتي المشتركين،
تحية وبعد
هذا مقال عن نشأة واهداف "حركة تحرير المشتركين" اللي عم نقودها بهدف تحريركن من القيود والرشوة والفساد اللي عمت طبقة المشرفين الامبرياليين العملاء السفسطائيين المهزومين اولا واخيرا بقى احسنلكن يا مشرفين تستسلموا هلا قبل فوات الاوان.
النشأة:
* تأسست "حركة تحرير المشتركين" (الاسم في بورصة NYSC هو SLA ويعني Subscribers Liberation Army مشان اذا بدكون تشترو اسهم وهيك شي) في 23 تموز 2005 يعني من شي اربع تيام وذلك بعد ما تبلورت الرؤية لدى قياديي الحركة بوجوب تحرير المشتركين في كافة منتديات العالم من بطش وسيطرة المشرفين (NYSC: Admins) وهادا اهم هدف عند الحركة.
* وطبعا نحنا منمد يد العون لكل حركة توافق اهدافنا ورؤيانا المستقبلية، ومن الحركات والاحزاب الصديقة:
1- حزب الحرامية الكبار (تأسس اليوم)
2- حركة "لا" للمشرفين
3- مجموعة تهميش المشرفين وتعطيلهم
4- حزب "حاج تفتح عالانترنت طلعت الفاتورة هالقد يا ابن الكلب" وغالبية اعضاؤه من الاهالي الملتاعين
5- حزب "لأحسب الله ما خلقك يامشرف"
والعدد في ازدياد مستمر...
* طبعا اعضاء الحركة عم يكترو بسرعة ومنهن حاج فارون وحاج وليد وحاج آغا والمشرفين اللي انهدو الى طريق الحق Kakabouda وHere I am وطبعا على الجانب الانثوي عنا هنهونة :P "ام وائل" و سويت بيبي وكتير كتير ما فينا نعدهن
الاهداف:
1- اسقاط نظام المشرفين بكافة الوسائل (السبام، الرد المسيل للدموع LOL ، الردود الصاروخية ارض-ارض وجو-ارض، مقالات حرق الاعصاب وهون حابب نوه بجهود المشترك اللي بيتم يرد ب شششششششششششششششش :P)
2- الحلول مكان المشرفين في قيادة العملية المنتدية الثورية (ومعليش اذا سمحنا ببعض الرشاوي اقصدي الهدايا والتبرعات لبين ما نبني القاعدة الاقتصادية للحركة)
3- العمل على مبدأ "لاسلام ولا استسلام" ومبدأ "سر نجاحك طلاحك وسر حبك دبك" ومبدأ "ان لم تكن متراسا ضربتك المتاريس وان لم تكن دبوسا شكت بك الدبابيس" بيس بيس بيس (لانو هالمبدأ عم يلاقي صدى بنفوس الجماهير)
التسجيل:
باب التسجيل مفتوح لكل مشترك وكل مشرف الله بيهديه، بس ابعتولي رسالة خاصة وانا بضمن تسجيلكن
الاكتتاب:
يمكن الاكتتاب على اسهم الحركة وصواريخها وممكن تداولها بسوق الاوراق المالية
الامتيازات:
متل ما وعدت سابقا انا هلا عم اتفاوض مع "صقال واولاده" منشان نهدي لكل مشترك هدية رمزية هي عبارة عن سيارة لادا 109 صفرا عمومية للمشتركين وسيارة اوكا بابين (سبور) للمشتركات
اضافة الى حصص بالمعمل النووي لانتاج علكة سندباد والمصنع الدولي لشوكولا عمار كوربوريشن انترناشيونال ليميتد
وشكرا
عن "حركة تحرير المشتركين"
XT2k
She said: Oh baby I'm yours... I laughed and said: Honey, you're not even yours how can you be mine? HAN