اقتباس:
|
من المقرر ان تعلن رسمياً غداً في حفلة اشهار رسمي يحضرها نائب رئيس الوزراء عبدالله الدردري والممثل المقيم ل»البرنامج الانمائي» علي الزعتري
|
اي و الله بدها حفلة
و حفلة مطنطنة مو حا يللا
ما عم امزح او قفل او اتمسخر .... عم احكي جد الجد
هوي صحيح باوستراليا احتفلوا بوفاة آخر أمي ، و باليابان احتفلوا بشيل آخر اشارة مرور ، و في دولة احتفلت بشق قناة السويس ، و في دول بتحتفل لما بتكتشف النفط ....
بس نحنا بسوريا لازم - لدواعي تكسير الراس الدولية و الاقليمية - لازم نحتفل لما منكتشف ...... الفقر
لو كنت صاحب القرار كنت عملت عيد وطني بهالمناسبة ... و خليت الشعب كلو يدبك
لو كنت وزير الخارجية كنت رصدت ميزانية ضخمة لهالحدث الجلل ، و وصيت كل السفارات السورية (و خصوصي يللي بلندن و باريس و واشنطن) انو تعمل احتفال كتير مهم بهالمناسبة القومية
يعني لازم نفهم الدنيي كلها
نحنا بسوريا ما عنا صناعة ... و لا زراعة ... و لا سياحة ... ما عندنا ... غير فقر ... و فساد ... وشعب بيلعب بالبيضة و الحجر
لازم نحافظ على فقرنا بكل الوسائل المتاحة ، لأنو الفقر (حسب ملاحظتي الشخصية ) هوي امضى سلاح بوجه اميركا
بعمركم سمعتوا انو اميركا عم تدخل بشؤون فيجي؟؟؟؟ بعمركم سمعتوها عم تهدد الموزمبيق؟؟؟؟
تخيلوا انو بطلنا فقرا و صرنا اغنيا متل السعودية او الكويت
تخيلوا انو صار عنا نفط اكتر من العراق
ولي
كنا تاني نهار لقينا العلم الاسرائيلي عم يرفرف فوأ قاسيون
و العلم التركي عم يرفرف فوق الازاعة بحلب
و ما بتعرفوا ...يمكن تصير معجزة و تتوحد قبرص لحتى تحتل بانياس
لا خيو ... خلونا نبقى فقرا بس سوريين احسن ما نصير اغنيا بس انترناشيونال
مشكور ابو حميد ع هالخبرية السارّة
عندما تتأجج نار التحششيش .. تنأى الحشائش بالحشيش الحشحشش ..
وحشيشة التحشيش .. عمر أحشش ..
حش الحشائش في حشيش محشش ..
حشاش يا أخا الحشيش ..
حشش على تحشيش محششنا القديم ..
سوريا الله حاميا
jesus i trust in you