شو شباب و صبايا بلاقي صرتوا عنا بحلب
اول شي بالنسبة لاخت يا سمينة مشكورة انا كنت بدي ضيف الموضوع من يومين بس فية كان اغلاط و كنت عم صححها
و تاني شي بالنسة لاهل حلب باعتبار انا عايش بحلب من زماااااااااان
بينقسموا لقسمين او 3 اقسام
اهل حلب الاصليين او القدماء او شلون بدكم سموهم
و هنن اللي مازالوا بيعيشوا بمنطقة حلب القديمة متل ( الجلوم / باب المقام / البياضة / الاصيلة / الفرافرة / جب القبة / )
و مناطق كتيرة بس كلها جنب بعضها حتى اذا بتلاحظوا انوا اسماء المناطق تقيلة .
و الناس اللي عايشين بهالمناطق مو بس عايشين بحلب القديمة بس كمان تفكيرهم و عاداتهم و حتى لهجتهم كلها على النمط القديم
يعني بالنسبة للموضوع المكتوب من الاخت يا سمين لسه في كلمات كتير تقيلة ( يعني لفظها صعب ) بيستعملوها و بتلاحظوا باهل ههالمنطقة في عندهم كتير كلمات اصلها تركي مو حلبي متل ما البعض مفتكر متل ( جنق / و شمشاية او جمجاية )
و كتير كمات الاصل تبعها تركي متل فرتيكة / يعني شوكة
القسم التاني هو اللي اصلة مو من حلب بس استقر بحلب من زمان او خلق و عاش بحلب يعني هو نص حلب ( انا منهم )
هدول بيمون عندهم كلمات مخلطة يعني شي حلبي و شي حسب اصلهم و شي خليط تعلموه من غيرهم و نادر جدا جدا يعني اقل من 1 % ليعيشوا بالمناطق المذكورة اللي بيعيش فيها الحلبية الاصليين
بالنسبة لهاد القسم بيعيش بكل حلب و حسب القدرة الماليةيعني ما في شي منطقة معينة و بينقسموا حسب الدين او الاصول القومية
يعني المسيحيين اكتر شي بيعيشوا بالعزيزية و السليمانية و المناطق القريبة منها
الاكراد بيعيشوا بالاشرفية و الشيخ مقصود
اما بالنسبة للمسلمين فبيعيشوا بكل مكان ( حسب القدرة المالية )
هلا النوع التالت هو الحلبيين الاصليين اللي انتقلوا و اختلطوا مع ناس من غير مناطق و نوعا ما منلاقي حكيهم اخف بالنسبة للهجة
بس بتغلب على تصرفاتهم اصلهم التراثي يعني مثلا
الحلبية الاصلية ( بالنسبة لاكلهم تقليدي بحت ( كبب بانواعها اكتر من 25 نوع / محاشي بانواعها / لحم مشوي / ) و هالشغلات التقليدية و منلاقيهم ما بياكلوا متل البازلاء او المعكرونة لانها تعتبر اكلة دخيلة :P
عنجد عم احكي
بالنسبة للبس الحلبية الاصليين منلاقيهم دائما بيلبسوا لبس تقليدي بنطلون و قميص و احيانا كنزة ( بلوزة )
بالنسبة للباقي ممكن يلبسوا ايا شي
يعني مثلا البنتكور او الشورت يعتبر من اسلحة الدمار الشامل بالنسبة للحلبية و اذا لبسة واحد و مشي فية بالمناطق المذكورة سالفا ممكن يتم اعدامه
ذكرتوني بشغلة مرة واحد من رفقاتي حلبي اصلي عم يقلي شفت باسل شو بياكلوا ( باسل واحد رفيقنا كمان ) قلتلة شو بياكلوا
قال بيحطوا مع الرز معكرونة قلتلة شو عم تحكي قال اية انا شفتة بعيني
والله انا شفت الزلمة بعد فترة و سالتة شو هالقصة شو بتتصورا ...........
طلع قصده على الشعيرية معكرونة
اذا تذكرت شي تاني رح ضفلكم ياه و تفضلوا زورونا بحلب
أمية الشفتين ... لا تتبرمي
إني أتيتك هاديا و مبشرا
حتى أعلمك الهوى ...
فتعلمي
مازال قانون القبيلة حاكماً
جسد النساء ......
فحاولي أن تحكمي .....