[Roaa]

كاتب النص الأصلي : حالة حب

عملتو
بس والله ما بعرف ازا يلي حطيتو شوفان مطحون او لا
وبدي اسالك عن المده يلي حطها فيها الخلطه عالبشره
يعني ازا ما فيها غلبه حطي كمان خلطه

ممم مدتو 15 دقيقه يعني ربع ساعه .. يعدمني حالي .. عم انسى

ومره وحده بالاسبوع
وفي هي كمان .. بيمشي حالها ..

هالقناع يا ستي .. روعه للبشره الدهنيه .. منظف بصير ومقشر وبيستعمل مرتين بالاسبوع ..

المقادير..

بياض بيضة واحدة بدرجة حرارة الغرفة يعني لا بارده ولا سخنه .. عصير ليمونة ملعقة كبيرة من مسحوق الشوفان \\ ع فكره قال افضل شي للبشره الشوفان المطحون \\بس استغربت كيف فينا نحطو من دون طحن .. ما بظن بصير ..هلا عالهامش فكره صغيره عن الشوفان ..الشوفان يا ستي بساعد على ازاله الاكزيما واضربات الجلد بيحتوي على نسبه منيحه من الاليافوفيو كالسوم بوتاسيوم ومغنيسيوم ..


بنجي للطريقه ....

بنمزج هالاشيا مزج منيح بشوكه .. قبل نص ساعه من استعمالو


بعدها بنحط القناع عالوجه ماعدا حول العين

وبضل ربع ساعه

وبعدا بنغسله بالمي الدافي وبحركه دائريه .. بيعمل متل سنفره للبشره ..


عالهامش .. فيكي تخبي الباقي منو بالبراد مده 3 ايام بس ..

مو اكتر

وبرجع وبعيد مرتين بالاسبوع

*
بتمنى كون فدتك ..ويا هلاا