[نيقولا]

كاتب النص الأصلي : Kakabouda

شو ما حكا ما بيرد الولد الله يرحمو و يكسّر أيديهم

أي والله يا كاكابودا الله يكسر دياتهم .. هلق بفكرو عمل فهيم ورد
دايماً عندهم ردود بيسكتوا فيها المواطن العادي اللي مو من أهل الإخنصاص اللعين

الوفاة قد حصلت نتيجة للتحسس للمادة المخدرة وهو أمر لا يستطيع أحد منعه ولا يمكن الوقاية منه خاصة انه لا تجرى في أي مركز في العالم اختبارات تحسس للمواد المخدرة. ‏

احتمال نادر ولكن ممكن و بالفعل لا يوجد اختبارات تحسس منها ولكن معروف عن قلب الطفل أنه سريع الإستجابة للإنعاش القلبي الرئوي .. بس التحسس كمان هوي حجة ممكن تنحط لأنو ما عاد ممكن إثباتها غير من الروايات اللي بتتظبط بسهولة
والصدمة التحسسية سبب وفاة واضح فلماذا التشريح ما دام سبب الوفاة واضح ؟؟؟؟؟؟؟؟؟؟؟ ما بتمرق على حدا !! حتى لو ادعى حدا تفرير الطبيب الشرعي بالوفاة بهالصدمة التحسسية بيلغي كل اعتراض لأنو التشريح ما بيعطي الطبيب الشرعي أي توضيح لسبب الوفاة بالصدمة ..
التشريح ممكن لأخذ عينات من المعدة ولكن التخدير لا يجرى عبر الفم
لماذا تم فتح الرأس ؟؟ والجسم بالطول ؟؟
ما بيبلعها حدا صعبة

كما نحيطكم علماً بأن الطبيب الذي قام بالبدء بعملية التخدير هو حالياً رهن التحقيق القضائي وأنه قد تم استجواب كافة أفراد الكادر الطبي ذوي العلاقة بالحادثة، وستأخذ العدالة مجراها في حال ثبت أن هناك خطأ طبياً قد ارتكب بحق الطفل عبادة

لا والله راحت عليهن الأهل والطفل الله يرحمو لأنو تسجيل مجريات التخدير عنا اذا صار بيصير بيد الطبيب وبيعملو متل ما بدو وبيشيل وبيحط على ذوقو .. يعني بيكون المريض صار عند ربو وطبيب التخدير بيكتب عالتقرير الضغط طبيعي والنبض طبيعي ..
أما الطب الشرعي وزبوناتو عنا اللي مفروض يكونو أنزه الناس لحساسية عملهم .. فهم مرتزقة ونصابين بيقبضوا من الطرفين وا إلهن علاقة بالطب كلو .. وفي مساطر الله لا يجمع حدا فيها