[khanfur]

كاتب النص الأصلي : fady juventus

و صدقني كمان إنو أي حل بديل لنظام بشار الأسد رح يكون الفوضى متل ما عم يصير بالعراق هلأ .. يومياً مئات الضحايا و ميليشيات عم تقتل على أبو جنب ..

ما تفكر إنو سوريا غير العراق .. سوريا قاعدة على بركان حقد طائفي ممكن ينفجر لو تهيأتلو الظروف .. و وقتها ما حدا رح يستفيد لا المعارضة ولا الموالاة ... الكل رح يروح بين الرجلين

عفوا لاني اتدخلت بنقاشكون بس كنت حابب احكي انو هادي هي الفكرة اللي عم ايرسخها باذهان جميع الناس وكل طائفة بتظن انو الطائفة التانية رح تبيدها بدون حكم بشار. بعتقد انو وجود الوعي و تعزيز الديمقراطية كفيل بازالة الخوف. لانو اذا فكرنا بهل طريقة الوضع رح يزداد سوءا فعاجلا ام آجلا سيزول هذا النظام البائس الذي عزز الحقد الطائفي لترسيخ اركان حكمه وعندها ستكون الفوضى. ما يحصل بالعراق هو نتيجة لدخول المستعمر وتعامل بعض الاطراف معه ضد نظام كرس الطائفية لذا يجب على الشعب السوري ان ينتفض من ذات نفسه للتخلص من مصاصين الدماء الذين نهبو الاقتصاد السوري طيلة 40 عاما حتى وصلنا الى ما نحن فيه من تخلف.

كاتب النص الأصلي : fady juventus

بقى خلينا نعطيه فرصة من دون السكوت على الخطأ لأنو واجب علينا ننتقد الأخطاء .. بس عالأقل ما نوقف مع أشخاص عم يعملوا ليل مع نهار لإيجاد منفذ لتدخل عسكري أميريكي أو إسرائيلي ضد بلدك و بلدي ...

يا اخي ما صارلنا اربعين سنة عم نعطي فرص بعدين نحن طالع بيدنا نفتح تمنا. هلق زودلك كلمتين بسكرو الموقع و بجرو اللي كتب ع بيت خالتو من شان يتربى. اما تصور انو كل معارض هو من جماعة اسرائيل و اميركا فبرجع و بقول نو من اساليب النظام للعب بعواطف الناس. بعدين النظام نفسو ما عندو مبادئ نسينا شهدائنا الابرياء اللي راحو ضحايا بمعارك عون حبيب القلب حاليا. و كم من الفلسطينيين ابيدو ارضار لآل جنبلاط اما امير قطر فكان في اعلامنا رمز الخيانة فهو الان الداعم الاول لنا في معاركنا السياسية. وكذلك النظام التركي حليف اسرائيل الذي في احدى زيارات المعلم(مو وليد المعلم) و قعلون على تنازل عن لواء اسكندرون. صدقوني اللي بيتنازل عن اسكندرون عندو استعداد يتنازل عن الجولان اذا هل شي بيخدم مصلحتو الشخصية.
بكرر اعتذاري للتدخل