أصبح تعوا لأحكيلكم
هاد يااسيادي نحن كل فترة مناقش الوضع المتدهور للمذيعين السوريين
أولا و من ناحية المعلقين الريالضيين متل ماقال
اقتباس:
إي بشرفي ..و بيعملولك شي 6000 دعاية ميشان شقفة علكة أم النص ليرة..و بيجيبولك 3 أربع بنات
و بيترقوصوا قدام الكاميرة و بتبلّش كل وحدة تعلّك متل البقرة عأساس أنو العلكة بتجنن وطيبة..
و ليش عم تحكوا بس عن الآنسة أم عمّار ما شفتولي مذيعين الرياضة الأكتر من رائعين..
و بجيك جمال الشيخ بكري و بيعلّق كأنو في معركة بالملعب.. و بيستخدمولك كل جملة أحلى من التانية
متل "كرة زاحفة أرضية تعلو المرمى بقليل " "و ينبري إلى الكرة" كأنو شي قلم لحتّى ينبري.
و أحلى جملة سمعتها ضحكت عليها شي نص ساعة سمعو لقلّكون:
"و ينقّض إلى الكرة كالنحلة التي تنقض على رحيق الأزهار"
و سمعتها مو مرّة شي تلات مرّات من نفس المزيع ..عرفتو شي.؟؟
أكيد "كاااااااااامل نجميييييييييييي" ألو رياضة ..حلب..
|
اه مالهم علاقة لا بالرياضة ولا بالاذاعة
و بالنسبة للزاحفة الارضية و الله كل ما بذكرها بضحك شي 3 ساعات بتذكر ايام الكبتن ماجد الجزء الاول
و بالنسبة للاخبار اله كمان مالهم علاقة
بتكون عم تذيع خبر مقتل 3 فلسطينيين او عراقيين مثلا ( الله يرحمهم بالمناسبة ) و بتكون ابتسامة المذيعة شي 5 امتار
اما بقية القنوات دون ذكر الاسماء لما بينذاع هيك خبر بحس حالي بدي ابكي
بالنسبة لبرامج الحوار مالهم علاقة بالحوار
يعني بايا قناة تانية بتحس انوا المذيع عنده خلفية ثقافية ضخمة ( ارشف معلومات ) متل جورج قرداحي ولا
فيصل القاسم ( علما انه سوري ) و غيرة و غيرة كتير بس عنجد بتلاقي المذيع عم يناقش ووائق من حاله و متمكن متل أحمد منصور
اما عنا يا لطيف بيكون دارس معهد طبي و عاملة دورة مذيعيين عن خالتكم ام عمار ( باعتبارها ) المسؤولة عن المذيعين
و بيطلع بحيكي بالسياية و بيناقش
ولا احلى شي
قال يوم الجمعة في برنامج مدري شو اسمة بالصدفة قلبت على قناتنا المحترمة ولا البرنامج عم يحكوا فية عن الانترنت و عاملينت مقابلة
قلنا حلو هاد شي ظريف الواحد بيتابعة ( هالحي من شي شهر يمكن )
المذيعة و الله بعد كل كلمة تضحك بس مو ايا ضحكة لأ جد عم احكي تمها كبير تقريبا حجمة بحجم عكازة جدي( الله يرحمه ) و كل كلمة تضحك لك الموضوع ثقافي يعني لا هو تسلية ولا هو غنائي ولا هو عاطفي لك لشو الضحك
بس مو هون المصيبة طلعت هالمذيعة عطول هيك
يعني على طول فاتحة تمها و على ضحك و ابتسامات كأنو عم تعمل دعاية معجون سنان
ماني متذكر اسمها ولا كنت حطيته لتتابعوا هالصرح المهم بالتلفزيون السوري
بقى احسن شي نشد حيلنا و نعمل قناة نسميها الاخوية !!!!!!!!!
عنجد بالنسبة للإعلان و الاعلام السوري للسف جداً ردئ و وضعة بهدله و مافي عنا لا برامج حوار ولا برامج سياسية ولا اي موضوع ممكن انوا الواحد يتابعة و يقول والله يعني هالقناة فيها برنامج حلو
أمية الشفتين ... لا تتبرمي
إني أتيتك هاديا و مبشرا
حتى أعلمك الهوى ...
فتعلمي
مازال قانون القبيلة حاكماً
جسد النساء ......
فحاولي أن تحكمي .....