[krimbow]

والله حلو هالموضوع

هاد يا جماعة لما كنت صغير كان جوز عمتي (الله يرحمو ) باهم رجلو كان كتير كتير كتير كبير
يعني كنت حس انو اكبر من رجلو
و كان باهمو ينكرزني كتير كتير ... يعني كنت كل ما شوفو لباهمو اتنكرز
هوي جوز عمتي كان كتير غليظ ... بيضل بيضربني طيارات و فقيسات ع الطالعة و النازلة و كل طيارة اقوى من التانية (ميج 29 )

و فوق هيك كان يضل بيقللي " يا عكروت " ... صحيح ما كنت بعرف شو معناتا بس كنت ما اهضمو

المهم .. هاد مرة كان معزوم لعنا على اكلة ملوخية و تقل بالاكل و بعد ما خلص قعد ع الكرسي الهزاز و كبا "طبعا كان لابس الشحاطة يللي بعمرو ما شلحا "

قمت لما شفتو نايم خطر ببالي الانتقام
رحت لعند مرتو (عمتي ) و قلتلها انو جوزها بدو شاكوش مشان يدق مسمار ... صارت تطالع الشواكيش و انا ما يعجبوني و قلها بدو ياه اكبر :P
هيك لوأت ما طالعتلي واحد جريتو ع الارض جر من كتر مو تقيل
و بس وصلت لعندو (و هوي بعدو نايم) بقدرة قادر رفعت الشاكوش لعند راسي و .......... يا قوي ... على باهم رجلو الكبير
اول شغلة فاق من النوم بس من عزم الخبطة ما طلع صوتو
ضل كم ثانية ما عم يطلع صوتو ..... بعدين صار يصرخ بالمقلوب و يسبني

و انا هربت لبعيد و اضحك من قلبي و قلو يا عكروت ... يا عكروت

ما بتذكر شو العقاب يللي اكلتو هداك اليوم
بس مع ذلك
و مع انو باهم رجلو كبر اكتر

بس من يومها ما عاد عندي مشكلة

الله يرحمو .... من وأت ما توفى ما طلعت ولا مرة ع الصيد لأنو ما كنت حب روح غير معو