[هموسه]

اليكم الجزء الثاني من حكايات الطفوله

هم بعد غير مسلسل هايدي الي تأثرت فيه كمان مسلسل عدنان ولينا كنت اموت عليه وبس يجي لا احد يكلمني خلاص

اندمج معه وفي يوم قررت قرار خطير وهو




الهروب من بيتنا


واعمل مثل عدنان واصنع لي سفينه من الخشب

وكانت جنب بيتنا بركة صغيره لا وكمان لوح خشب وما باقي الا عصاة التجديف

طبعاً انا لينا
طيب احتاج الى عدنان وينه :P
كان ابن عمي زايرنا واقترحت عليه الفكره ووافق

وقررنا الهرب

كل واحد اخذ معه شويت ملابس وعلى شويت حلويات ولاوازم الرحله

المهم

طلعنا من البيت ولا احد داري فينا
واتخبينا جنب هاذي البركه وهي وسط بستان كبير وجلسنا واكلنا

لا وركبت انا لينا مع عدنان الي اهو ابن عمي على السفينه وجدفنا لين شبعنا

ولما جى الليل جلست ابكي ابي ارجع البيت انا وابن عمي صرنا نبكي نبي نرد البيت
وظلام حل وصرنا مانشوف شي طبعا لان جالسين جنب بستان وكله زرع واحنا وسط هالزرع وهالبركه وجلسنا نبكي

والاهل قالبين الدنيا فوق تحت واهما يدورون علينا

والحمد لله انو المخطط الشرير هذا عرضته على اخوي وما وافق عليه وهو اصغر مني وانا هددته قبل ما اطلع انه

مايقول الى احد عن مكانا
وفي الاخير قرر اخوي يكشف عن مكانا وجى ابوي واخذني على البيت طبعاً عرف مكاني من صراخي الي ينسمع الى

اخر الدنيا

طبعاً انا توقعت ان امي تستلمني بالضرب
لكن لقيتها تاخذني بالحضن

ومن يومها وانا ما انسيت هاذي اللحظه

يخرب بيتك ياعدنان ولينا

على فكرة كان عمري 5-6
:P :P :P :P :P :P

انتظر ردودكم