اقتباس:
نحنا اهل سوريا عم ندور كيف بدنا نسافر بيجي حدا من برا يقلي غزل؟
غزل بيشو؟ انا اذا بدي اتغزل بسوريا ما بلاقي غير اتغزل بالعجقة والزحمة والروايح الرائعة والشعب الفهيم والرواتب العالية والعلم المتطور ومراكز الاشعاع الحضاري والمكتبات والسينمات والشوكولاتة والعلكة و... و... و...
بقى بشو بدي اتغزل؟
|
على راسي حبيب هلق انت طفشان او بدك تطفش من هالشغلات هاي لبرا مو هيك ؟؟؟
بس تصير برا راح تشتهي ريحة الدخان وزحمة المواصلات والسرافيس وراح تشتهي تتخانق مع الموظفين وراح تشتهي السينمات وعلكة منطاد وشوكولا ريلاس ...
واذا صرت ببلد اجنبي راح تشتهي تسب عليهن بالعربي لأنو مسباتنا بتشبع بس بدك يفهموا
وراح تشتهي المسا تطلع على قاسيون وتشوف الشام ما احلاها
وراح تشتهي تسهر بدمشق القديمة وتروح على صلنفة وتمشي بغابات البلد
وراح تشتهي المكدوس والزعتر البلدي والكبة والتبولة والشنكليشة .. وراس بصل على كيفك
وراح تشتهي تسهر بضيعة بهالبلد تحكي نع هالناس اللي بيجو يسهروا عندكن وتسمعوا بهالليل صوت الصراصير والزقزيقات و...
راح تشتهي كاير .. بس كل شي بوقتو حلو
بلدنا فيها كتير سلبيات انا معك وخاصة للسباب
كلنا عانينا نفس المشاكل وطافشين لنفس الاسباب
بس سوريا ام الدنيي وبس تصير برا بتعرف
