[طفوله]

بدي ئلها..سوري..لانو كنت فيئك بالليل مشان تعمليلي الببرونه...وال...بس كان عمري صغير ما كنت اعرف شو اكل واشرب و اروح ع الحمام




وسوري لانو كنت اسرئلك محبسك والسحبه الالماز...ولانو كنت نام جنب الاصنصول واشلح الحفاضه ..واعملك مناظر مو حلوه بالبنايه




وسوري لانو عشت عمري مو عاجبني العجب..والاعجب انو كنتي عاجبتيني انتي وبابا




وسوري لانو كنت عزبكـ بشيلتي بس والله ما كنت احسن امشي لحالي ئبل ما يكون عمري 9 شهور




ميرسي لكل الهدايا والفساتين الحلوه ...وميرسي لانو جيت بشبهك انتي وبابا ..بس بجد انتو جماعه كتير حلوين ..ع ئولة وذمة الناس الي بيعرفوكن



اسفه ع كل لحظه جيت ئلك بحبك وخجلت...



اسفه ع كل صباح كانو عيونك ووشك منورينو ...واستحيت ئلك هالحكي



اتخيلي انو انا معجبه فيكي من زمان وبحاول لما نكون بحفله ما حدا يئعد جبنك غيري ...لانو الحفله بالنسبه الي انكـ جنبي



اسفه لانو عزبتك معي وئت المخاض ....



اسفه لانو اول ما جيت ما كنت حلوه زياده متلك ...


اسفه عن حالي وئت صرت شوي متلك حلوه صرتي تخافي علي زياده



اسفه ع دموعك وئت كنت امرض...وع خوف بابا علي ...بس والله مالي غيركون



واسفه لانو لحد هي اللحظه بخجل ئلك بحبك../ئليله ئليله/




شكرا الك ع كل فنجان ئهوه عملتيلي ياه ... وئت صرت كبيره شوي ..



شكرا ل اغصان ماما وبابا ...وما بدي حدن يئطفني من شجرتكم



ع الهامش من كل عئلكم منوفي بالحكي كان او بالفعل ..مجرد خربوشه تقييمها 0.00003%