اقتباس:
كاتب النص الأصلي : ابو عمير السوري
تماما........وبعتقد انو الو علاقة بضيق أفقنا وقلة وعينا....علينا فهم الماضي وادراك الحاضر حتى نصل ليس للقمر انما لمستوى مقبول من العلاقات الاجتماعية والتعايش  |
مظبوط .... وأكبر دليل انو في عندك ناس بتقلك انا كتير عندي تسامح ديني و اجتماعي واذا بدك طبقي كمان .... بس بتجي جرب تعيش معها .... بوسطها .... بتكتشف انو نحنا كتير منحب عملية التقنيع .....
مثلاً انا بسال كتير عن الدين والطوائف ... في ناس بتقلي انو انتي عندك عدوى لبنانية ..... ويلي بيعرفني منيح بيعرف انو عندي رفقاتي من كل الطوائف والاديان .... بس نحنا ليش ما منقعد مع بعض ع طاولة وحدة ومنتناقش وبكل روح رياضية .... انو انت شو الي مو عاجبك بالطائفة هي او هي ....او حتى بهالصفة او غيرا بهالانسان ليش منحكي بضهر بعض ..... ليش بالوجه مراي وبالقفا صرماي ....!!
نحنا مشكلتنا منخاف نعبر ... أو بالاحرى ما منعرف نعبر .... أو يمكن راسنا يابس ما عنا القدرة ع اننا نستوعب بعض ....ونخاف ع بعض .... ونحترم بعض.... وبالنهاية كون على ثقة اي انسان ما بيحترم معتقدات الغير ما بيحترم معتقداته ....
انا عم احكي بالموضوع من مبدأ انو الانسان المتحضر هوي الي بيلغي كل الحواجز البشرية الصنع بينك وبينه ....
بعتذر بس يمكن الموضوع تشعب اكتر من اللازم ... بس الموضوع لازم ينحكى فيه من كل الجوانب ...
غابرييل ..... شكراً عالموضوع .... جد ممكن نتوسع فيه ونتحاور بطريقة كتير محترمة ومتحضرة ..... ونضل نحب بعض .... بدون ما حساسيات شخصية بحسها بتصير بأي موضوع ....
سلامات ....
لطالما بحثنا في أعماقني عن إلحاد يحررنا من ظل وضعتنا فيه القبيلة ....!!