[التقرير الجوال]

كاتب النص الأصلي : yass

ما زال الكلام لا منطقي... اليهود قومية؟ و اذا اليهود قومية هالقومية سامية؟

ما تبقى من الحكي حول العرب ما بيهمني عبارة عن شعارات حديثة... بدي بس نقطة اليهود

يعني شو " لا منطقي " .!!


طيب .. القوميه و أول بوادر كانت بنهايه القرن الـ 19 تجلّت بأفكار ماركس و الاشتراكيه .. و اذا بدك ترجمها بالانكليزي بتصير Nationalism وطنيه .. تمجيد أمه معينه اما الفكر فهو روابط بتدفع بشر للانخراط تحت رايه القوميه
و باعتبارها حركه تعصبيه تربط أفراد على اساس رابط اللغه و التاريخ و الدم و العاداث و الموروث الاجتماعي و الديني و المعتقد الواحد و الأهداف المشتركه .. هون صارت النازيه قوميه و فعلا تطورت هيك حركات قوميه أثناء الحرب العالميه التانيه .. بالنسبه للعرب صارت بسبب تسلّط الترك و هيك بتلاقي مسلمين مع مسيحيه بنفس الصف بينادو بالقوميه .


طيب الساميه باعتقادي مردّها لسام و سام إبن نوح و اذا بدّك تتبنى نظريه نشاه سام باليمن و حضرموت فرح تكون الساميه نشاه و أصل من الجزيره .
انطلاقاً من تعريف القوميه كرابط لفكر و معتقد و تاريخ مشترك و حضاره مشتركه " يللي عم يدور الحديث حولها بهالموضوع " رابط دم و كمان رابط ديني و كمان يا عزيزي بدنا ما ننسى الحروب لأنها تلعب دور كبير بتبلور الحركات القوميه .
القوميه وعاء تعريفي للشعوب .. يعني " الفكر القومي الاوربي " " القوميه العربيه " .
طيب .. ما بدي ادخل بتفاصيل كتير عن اليهود بس اليهود لما بدأوا بلم الشمل و تجميع الشتات .. تحت رايات كتيره طبعاً أولها انشاء وطن قومي لليهود .. في عندك اللغه رابط .. الدين .. المعتقد .
هيك بظن صارت اوضح.

بالنسبه للساميه رح احكي شغله و يا ريت تقرأها بتروي .
هلأ الآراميه و الكلدانيه و الكنعانيه و غيرو و كل هالقوميّات اذا صح اعتبارها قوميات وينها و و ين لغاتها و أفكارها و استمراريتها .
هلأ كلّو انصبغ بالعربيه و اذا بدّك تعتبر العربيه ساميه فصارت عربيه ساميه و الكل هلا بيحكي عربي و حتى لما ما بتعتبر حالك عربي و تنتقد العرب عم تعمل هالشي بالعربي .. لأن ثقافتك عربيه .. مو غير شي .
يهود المزراحيم شرقيين ساميين بس مين هن الاشكناز و السفرد .. فجد ما بعرف بس كمان بعرف بأنهن يعرفو العبريه او عالقليل الملأ منهن . يعني متل متحدثي السريانيه بسوريا .
اما عن نسبه اليهود للساميه فبدي قول بان يهود مملكه داوود و يهود شبه الجزيره العربيه ساميون .. غيرهن من اشكناز و سفرد فجد ما بعرف أصولهن التاريخيه و نسبهن .