[SIR RORO]

كاتب النص الأصلي : aboalzeik

من خلال اللي شفتة بحياتي لاقيت انوا افضل انواع الزيجات هي اللي ممكن انوا يتعرف الشب و البنت على بعضهم من غير ما يكون في مشروع زواج كيف يعني ؟؟؟
مثلا طلاب الجامعة لما بيكون الواحد عايش مع زملائة طول فترة بيكون عم يشوف البنت على حقيقتها و البنت كمان نفس الشي بتشوف الشب على حقيقتة
لانوا الهم فترة عم يشوفوا بعض بالجامعة و عم يدرسوا و عم يروحوا و يجوا
من غير ما يكون في مشروع زواج و هيك لما كل واحد بيعرف طبيعة التاني و لما بيقدموا على خطوة مهمة متل الزواج بيكون بيعرف مين عم يخطب و مين هالشب او البنت اللي رح يرتبطوا مع بعضهم لبقية العمر
طبعا مو بس طلاب الجامعة انما ممكن بالشغل ممكن بالسكن ممكن بالف حالة بس المهم انوا يشوفوا بعض كيف عايشين قبل ما يخطبوا
لانوا بكتير من الاحيان بتكون فترة الخطبة قصيرة و الواحد ما بيلحق يعرف كل شي عن الطرف التاني

و بالنسبة لفترة الخطبة باعتقادي لازم تكون طويلة نوعا ما لحتى كل واحد يتعرف على التاني منيح و كتير منيح لانوا رح يجمعهم رباط مقدس حرام يدنسوه بالطلاق او بالهجر او بالبغض
لانوا بكل هادنيا مافي اقدس من رباط الزواج ولافي احلى من المحبة بين الرجل و زوجته