كان بدي اكتب تحت انو "استلموه يا شباب" ... بس ما بدكون عزيمة
في هاد و محسن بلال... منيح ما يفرضو عقوبات علينا لأنو معتبرينون أسلحة دمار شامل, ها أي و هداك تبع انو قطع الكهربا كان بسبب الضغوط الخارجية
اللي عم ينعمل بسوريا جريمة بكل معنى الكلمة, لأنو جابو هالعبقري هاد اللي عم يحمّل الشعب (المنهك أصلا) تبعيات فشل الدولة الأقتصادي و عجزها عن مكافحة الهدر و الفساد المستشري
نحنا دولة منتجة للنفط و فوقها ماننا أعضاء أوبك.. يعني بترولنا للاستعمال المحلي فينا نبيعو بالسعر اللي بدنا ياه للمواطنين... يعني المفروض أزمة النفط ما تأثر علينا, أو تؤثر بقدر كمية النفط اللي لازم نستوردها لتكميل القدر اللي لازم في حال الانتاج المحلي ما يكفي... وين نفط سوريا.... وينو؟ عنا مصفايتين و الثالثة عالطريق.. لمين عم ينتجو هدول؟ بس لسيارات الجيش و الشرطة؟ هدر النفط مسؤوليه الدولة, و التهريب معروف مين المسؤول عنو ان كان بالمشاركة بالتهريب أو التغاضي عنو
القمح بالسما..... نحنا دولة منتجة للقمح.. لك البرازيل نسبة نموها فوق ال 10 بالمية من ورا القمح, ليش ما عم نستفيد منها؟ لأنو الاصلاح الزراعي الزفت اللي خططو واحد سوفييتي و هو سكران لعن سما الأراضي الزراعية.. خربو أراضي ممكن تنتج قمح لنص أوربا...
نكمّل لطم و بكي و للا لأ..... يالله بلا
عيب..... و حياة الله عيب
الله يساعد هالعالم قسما بالله كيف عايشة ما بعرف